"Оюутан цэрэг-2023” нээлттэй хаалганы өдөрлөг боллоо

"Оюутан цэрэг-2023” цэргийн мэргэжил олгох сургалтын нээлттэй хаалганы өдөрлөг өнөөдөр Орхон аймгийн 186-р ангийн сургалтын төвд боллоо. Тэд өдөрлөгийн үеэр гэр бүлийнхэнтэйгээ уулзаж, сурсан мэдсэн зүйлээ хуваалцсан юм. 
           Өдөрлөгийн нээлтийн үйл ажиллагаанд аймгийн ЗДТГ-ын ТЗУХ-ын дарга М.Жанболат, ЗДТГ-ын Цэргийн штабын Тоо бүртгэлийн ахлах офицер Н.Баянмөнх, 186-р ангийн захирагчийн сургалт бэлтгэл хариуцсан орлогч Э.Мөнхбаатар болон оюутан цэргүүдийн гэр бүл найз нөхөд оролцлоо. 
Монгол Улсын Засгийн газрын 2023 оны 3 дугаар сарын 29-ний өдрийн хуралдаанаар “Оюутан-цэрэг” хөтөлбөрт хамрагдах оюутан, суралцагчдын тоог энэ жил 1500-д хүргэхээр шийдвэрлэсэн. 
         Орхон аймаг Эрдэнэт хотын хэмжээнд 4 дэх жилдээ "Оюутан цэрэг" хөтөлбөр хэрэгжиж “Цэргийн мэргэжлийн бэлтгэл” шатны сургалтыг явуулж байгаа юм. Энэ жил манай аймагт Сэлэнгэ, Хөвсгөл, Булган зэрэг 4 аймгийн 100 гаруй оюутан залуус хоёх сарын хугацаанд "Оюутан цэрэг" хөтөлбөрт хамрагдаж байна. 
Цэрэг-эх оронч үзэл, хүмүүжилтэй, эх орноо батлан хамгаалах эрүүл чийрэг, бие бялдарын болон сэтгэл зүйн бэлтгэлжилтэй болгон төлөвшүүлэх нь уг хөтөлбөрийн зорилго юм. 
            Түүнчлэн улс орны батлан хамгаалах чадавхыг сайжруулах, дайчилгааны бэлтгэл үүрэгтний нөөцийг нэмэгдүүлэх, төрийн алба хаших, батлан хамгаалах бэлтгэлжилтэй иргэдийн тоог нэмэгдүүлэх зорилгоор оюутан залуусыг их, дээд сургуульд суралцах хугацаандаа цэргийн алба хаах боломжийг бүрдүүлээд байгаа гэдгийг онцоллоо. 

Мэдээллийн төв