Монголын хүүхдийн спортын зуны VII наадамд Орхон аймаг дэд байр эзэллээ

Монгол Улсын Засгийн газрын тогтоолоор хоёр жилд нэг удаа болдог Монголын хүүхдийн спортын зуны VII наадмаас  манай аймгийн өсвөрийн тамирчид 12 алт, 14 мөнгө, 18 хүрэл нийт 44 медаль буюу орон нутгаас хамгийн олон медаль хүртсэн амжилттайгаар өндөрлүүлж байна. 

Өнөөдөр энэ сарын 19-нд "Нөхөрлөе, Хөгжье, Хамгаалья" уриан дор Баянхонгор аймагт эхэлсэн Монголын хүүхдийн спортын зуны VII наадмын сүүлийн өдөр юм. Монгол орны өнцөг булан бүрээс ирсэн өсвөрийн 5000 гаруй тамирчин  10 хоногийн турш спортын 23 төрлөөр хурд хүч авхаалж самбаагаа сорин өрсөлдлөө.  Манай аймгаас 217 өсвөрийн  тамирчин 32 дасгалжуулагч хамт хамгийн өргөн бүрэлдэхүүнтэйгээр спортын 20 төрөлд оролцлоо. 

Орхон аймгийн өсвөрийн тамирчид Монголын хүүхдийн спортын 3,5, 6 дугаар наадамд дэд байранд шалгарч  багийн дүнгээр гуравдугаар байр эзэлсэн амжилтыг үзүүлж байсан бол 2023 онд хонгор нутагт зохион байгуулсан VII наадамд өмнөх амжилтаа бататгалаа.  Манай аймгийн өсвөрийн тамирчдын амжилттай оролцсон төрлүүд нь 3*3, 5*5, бадминтон, усан сэлэлт зэрэг  спортын  төрлүүд байв. 

Амжилттай оролцсон аймаг, дүүргүүдийн мэдээллийг хүргэе. 

Нийслэлийн есөн дүүргээс...

• Тэргүүн байр Хан-Уул дүүрэг 26 алт, 22 мөнгө, 24 хүрэл нийт медалийн тоо 72 
•  Дэд байр Сүхбаатар дүүрэг 21 алт, 19 мөнгө, 61 хүрэл нийт медалийн тоо 61 
• Гутгаар байр Баянзүрх дүүрэг  17 алт,  16 мөнгө,   37 хүрэл нийт медалийн тоо 70 

21 аймгаас...

• Тэргүүн байр Сэлэнгэ аймаг 13 алт, 9 мөнгө, 11 хүрэл нийт медалийн тоо 33 
• Дэд байр Орхон аймаг 12 алт, 14 мөнгө, 18 хүрэл нийт медалийн тоо 44 
• Гутгаар байр Дархан-Уул аймаг алт 12, мөнгө 14, 9 хүрэл нийт медалийн тоо 35