ӨНӨӨДӨР “ТӨРИЙН АЛБАНЫ ӨДӨР” ТОХИОЖ БАЙНА

НҮБ-ын Ерөнхий ассамблейн тогтоолоор жил бүрийн 6 дугаар сарын 23-ныг Төрийн албаны олон улсын өдөр болгон тэмдэглэхээр  2003 онд шийдвэрлэж байжээ.Төрийн албаны өдрийн зорилго нь улс орны хөгжилд төрийн албаны оруулах хувь нэмрийг үнэлж цэгнэх, иргэдэд үзүүлэх төрийн үйлчилгээний чанар, үр нөлөө, инновацыг хэлэлцэн, сайн туршлагыг түгээх, төрийн байгууллага, албан хаагчдын сайн ажил үйлсийг сурталчлан таниулах, төрийн албаны үе үеийнхний туршлага солилцох, мэдлэг хуваалцах, залуу үеийнхэнд төрийн албанд ажиллах урам зориг өгөх юм. 

     Энэ өдрийг тохиолдуулан гишүүн улс орнууд  хөгжлийн үйл явцад төрийн албанаас оруулж буй хувь нэмрийг онцгойлон авч үздэг.  Мөн улс орныхоо хөгжилд төрийн албаны оруулж буй хувь нэмрийг онцгойлон авч үзэж, төрийн үйлчилгээний ач холбогдлыг нийгэм, орчиндоо түгээн дэлгэрүүлдэг. 
    Монгол Улсын Төрийн албаны зөвлөл НҮБ-ын төрийн албаны чиглэлээр явуулж буй үйл ажиллагаанд идэвхтэй оролцож ирсэн бөгөөд Монгол Улсад хэрэгжүүлж буй төрийн албаны шинэтгэлийг олон улсын байгууллага дэмжиж буйн нэгэн илрэл нь НҮБ-ын Хөгжлийн хөтөлбөр “Монгол Улсад мэргэжлийн, иргэн төвтэй төрийн албыг төлөвшүүлэх нь” төсөл хэрэгжүүлж буй явдал юм.
      Монгол Улсынхаа төрийн албанд үнэнч шударгаар түүх үлдээн зүтгэж ирсэн, одоо ажиллаж байгаа, ирээдүйд ажиллах гэж байгаа залуу, идэр, ахмад үеийнхэндээ баяр хүргэж амжилт хүсье!