“Хамтдаа Эрдэнэтэд хөгжье-2023” эдийн засгийн форум “Смарт Эрдэнэт Экспо”-гоор хоёр дахь өдрөө үргэлжилж байна

“Хамтдаа Эрдэнэтэд хөгжье-2023” эдийн засгийн форум “Смарт Эрдэнэт Экспо”-оор хоёр дахь өдрөө үргэлжилж байна. “Смарт Эрдэнэт Экспо” нь  дижитал бизнесийн талаар мэдлэг олгох IT чуулган, хэлэлцүүлэг,  Орхон аймагт  IT  технологийн чиглэлээр үйл ажиллагаа явуулдаг байгууллагуудын үнэ төлбөргүй сургалт, ERDENET MLC E-sport-ийн тэмцээн, технологийн компаниуд бүтээгдэхүүн үйлчилгээгээ танилцуулах гэсэн  дөрвөн хэсгээс бүрдэнэ. 

Тухайлбал, Голомт банкны төлөөлөл “Хиймэл оюун ухаан ба бизнесийн өсөлт”, Метафорс ХХК-ийн гүйцэтгэх захирал С.Батцэнгэл  “Метаверс одоо ба ирээдүй”,  “Ган компасс” ХХК-ийн ерөнхий менежер Б.Мөнхсайхан IT үйлдвэрлэл ба экспорт гэсэн мэдээллийн технологийн чиглэлээр долоон илтгэлийг тавина. 

Бизнес эрхлэгчид, бизнес эрхлэхээр зорьж буй хэн бүхэн сүүлийн үеийн цахим технологийг хэрхэн ашиглаж, хэрэглээндээ нэврүүлэх боложтой  талаарх мэдээллийг энэхүү арга хэмжээнээс авах боломжтой юм. 

 Энэ жилийн эдийн засгийн форумын онцлог нь 2021 онд цахимаар зохион байгуулсан эдийн засгийн форумаас гарсан үр дүнг бодит ажил хэрэг болгож буйгаараа онцлогтой. 

Тодруулбал, 2021 оны эдийн засгийн чуулга уулзалтаас цахимжуулалтыг эрчимжүүлж, цахим аймаг болох зорилтыг дэвшүүлсэн.  Үүнийхээ хүрээнд ИТХ-ын 2021 оны 20 дугаар тогтоолоор “Цахим Эрдэнэт-1” хөтөлбөрийг  батлуулан хэрэгжүүлж, Эрдэнэт хотын бүхий л үйлчилгээг нэг дор багтаатсан   “Смарт Эрдэнэт”  платформийг Орхон аймгийн иргэдийн хэрэглээнд ийн нэвтрүүлэх албан ёсны нээлт өнөөдөр болно. 

“Смарт Эрдэнэт”  аппликейшнийн онцлог нь E-Mongolia  буюу төрийн цахим үйлчилгээний нэгдсэн системийн дэд систем байдлаар орон нутгийн бүхий л үйлчилгээг нэг дор багтаасан цахим платформ юм. 
Мөн өнөөдөр  “Смарт Эрдэнэт Экспо” арга хэмжээний хүрээнд  Чандманын уулзвараас Баян худалдааны төвийн  уулзвар хүртэлх авто замыг өнөөдөр 20:00-22:00 цаг хүртэл түр хаана. 

Мэдээллийн төв