Төрийн албаны зөвлөлийн ажлын хэсэг Орхон аймагт ажиллаж байна

Төрийн албаны зөвлөлийн даргын тушаалаар байгуулагдсан Төрийн албаны зөвлөлийн гишүүн Б.Идэрчулуунаар ахлуулсан ажлын хэсэг гурав хоногийн хугацаанд манай аймагт ажиллахаар ирээд байна.

Засаг дарга С.Батжаргал, ЗДТГ-ын дарга Ш.Ганболд, ТЗУХ-ийн дарга М.Жанболат  нар хүлээн авч уулзан Төрийн албаны тухай хууль тогтоомж, төрийн албаны шинэтгэлийн бодлогын хэрэгжилт болон бусад асуудлуудын талаар санал солилцлоо.  Мөн Орхон аймаг дахь Төрийн албаны зөвлөлийн салбар зөвлөл Төрийн албаны хуулийн шинэчлэлийн хэрэгжилттэй холбоотой хийж хэрэгжүүлж буй ажлаа ажлын хэсгийнхэнд танилцуулсан. 

Төрийн албаны зөвлөлөөс томилогдсон ажлын хэсгүүд Орхон, Дархан, Сэлэнгэ, Дорнод, Өвөрхангай, Хэнтий, Ховд, Дорноговь зэрэг 15 аймаг ажиллаж  төрийн байгууллагуудын 
үйл ажиллагаа, Төрийн албаны тухай хууль тогтоомж, шинэтгэлийн бодлогын хэрэгжилттэй танилцах юм. 

Мөн  Төрийн албан хаагчийн ёс зүйн тухай хуулийг олон нийтэд сурталчлах, төрийн албан хаагчдад сургалт зохион байгуулах, Төрийн албаны ”Хүний нөөцийн удирдлагын тогтолцоо” цахим систем дэх мэдээллийн бүрдүүлэлт, хүний нөөцийн бодлого, үйл ажиллагаанд хяналт хийх, мэдээллийн арга зүйн зөвлөгөө өгөх, зөвлөн туслах нь энэхүү ажлын хэсгийн зорилго. 

Орхон аймаг дахь Төрийн албаны зөвлөлийн салбар зөвлөл Төрийн албаны хуулийн шинэчлэлийн хэрэгжилттэй холбоотой хийж хэрэгжүүлж буй ажлаа ажлын хэсгийнхэнд танилцуулж байна.