2022 оны орон нутгийн төсвийн гүйцэтгэлийг ИТХ-ын хуралдаанаар баталлаа

Орхон аймгийн 2022 оны орон нутгийн төсвийн гүйцэтгэлийг аймгийн ИТХ-ын ээлжит X хуралдаанаар хэлэлцэн баталлаа.  Орон нутгийн нийт хөрөнгө 318,2 тэрбум үүнээс эргэлтийн хөрөнгө 83,5 тэрбум  төгрөг, эргэлтийн бус хөрөнгө 234,7 тэрбум төгрөг байна. 

2022 онд 160,7 тэрбум төгрөгийг төсөвлөн 176,7 тэрбум төгрөгийг орон нутгийн төсөвт төвлөрүүлэн 16 тэрбум төгрөгөөр орон нутгийн орлого давж 109,9 хувийн биелэлттэй гарсан.  

2021 онд 69.3 тэрбум төгрөг төлөвлөж 80 тэрбум төгрөгийг орон нутгийн төсөвт төвлөрүүлэн 10.7 тэрбум төгрөгөөр орон нутгийн орлого давж биелж байв. 

2022  оны   төсвийн орлогын гүйцэтгэлийг нэр төрлөөр нь авч үзвэл хувь хүний орлогын албан татвар 56 тэрбум 900 мянган төгрөг, аж ахуйн нэгжийн орлогын албан татвар 71 тэрбум 870 сая, 23 тэрбум 700 сая, бусад татвар төлбөр хураамж  26 тэрбум 240 гаруй сая төгрөгийг  тус тус бүрдүүлсэн байна.  

Орон нутгийн төсвийн орлогын хувь хүний орлогын албан татвар 70,9 хувь, хөрөнгийн албан татвар 22,3 хувь, бусад татвар төлбөр хураамж 3,4 хувь, хувь хүний орлогын албан татварын буцаан олголт 0,4 хувийг бүрдүүлжээ. 

Хөрөнгө оруулалтын зардал нэмэгдсэн нь 2022 оноос Аж ахуйн нэгжийн орлогын албан татвар, бусад орлогууд нэмэгдсэн тул хөрөнгө орлогод зарцуулах төсөв нэмэгдсэн. 
Мөн цалин хөлс, нэмэгдэл урамшуулллын НДШ 2021 оныхтой харьцуулахад буурсан байгаа нь Төсвийн тухай хуулийн 15 дугаар зүйлийн 15.2, 56 дугаар зүйлийн 56.1.3 дахь заалтууд хүчингүй болж боловсрол, соёл, эрүүл мэндийн байгууллагууд улсын төсөвт байгууллага болж хасагдсантай холбоотой юм. 

Орон нутгийн төсвийн зарлагын 28 хувийг хөрөнгө оруулалтын зардал, 6 хувь нь цалин хөлс, НДШ, 51 хувь нь татаас урсгал шилжүүлэг, бусад бараа үйлчилгээний зардал 13 хувь  тус тус эзэлсэн  байна.