Стратегийн команд штабын сургууль өндөрлөлөө

Монгол улсад анх удаа нийслэлийн 9 дүүрэг, бүсийн 7 аймгийг хамруулан цахим, танхим хосолсон хэлбэрээр зохион байгуулсан стратегийн команд штабын сургууль гурван өдрийн турш үргэлжилж өнөөдөр өндөрлөлөө. 
         Газар хөдлөлтийн гамшиг тохиолдож “онц байдал” тогтоосон үеийн төрийн байгууллагуудын харилцан хамтын ажиллагаа сэдэвт уг сургуульд манай аймгийн мэргэжлийн алба ангиудын 16 байгууллагын 70 орчим албан хаагч, Онцгой байдлын байгууллагын 10 гаруй албан хаагч, нутгийн захиргааны байгууллагын албан хаагчдаас бүрдсэн нийт 100 гаруй хүний бүрэлдэхүүнтэй оролцлоо. 
        Гамшиг ослын үед олон улсын байгууллагуудын мөрддөг баримт бичгүүдийн стандартад сургах, мэргэжлийн алба ангиудын харилцаа хамтйн ажиллагааг нэмэгдүүлэх нь тус сургуулийн зорилго ажээ. Улсын хэмжээнд зохион байгуулсан дадлага сургуульд нийт 2900 гаруй хүн оролцжээ. 

Мэдээллийн төв