Цэрэг-спортын “Дөл” цогцолбор тэмцээний аваргууд тодорлоо

Ерөнхий боловсролын сургуулийн ахлах ангийн сурагчдын дунд уламжлал болгон зохион байгуулдаг аймгийн Засаг даргын нэрэмжит цэрэг-спортын "Дөл” цогцолбор тэмцээн өнгөрсөн ням гаригт болсон.  Энэ жилийн "Дөл" тэмцээнд аймгийн ерөнхий боловсролын 10 сургуулиас ахлах ангийн 130 сурагч оролцсон юм. 

Батлан хамгаалах тухай хууль тогтоомжийн мэдлэг, гранат шидэлт, жагсаалын бэлтгэл, цэргийн 16 тоот дасгал, эмнэлгийн анхан шатны тусламжийн норматив, буухиа тэмцээн гээд олон төрлийн сорилоор өрсөлдөж шилдгүүд тодорлоо. 

Энэхүү тэмцээний зорилго нь хүүхдүүдэд цэрэг, эх оронч хүмүүжил олгох, эх орноороо бахархах үзлийг төлөвшүүлэх, тэдэнд бие бялдар, сэтгэл зүйн бэлтгэл, тэсвэр хатуужил олгох, ирээдүйн мэргэжлээ сонгоход нь дэмжлэг үзүүлж, зэвсэгт хүчний залгамж халааг бэлтгэх юм. 

Цэрэг-спортын “Дөл” цогцолбор тэмцээний 2023 оны аваргаар...

• Нэгдүгээр байранд 14 дүгээр сургууль 
• Дэд байранд 2 дугаа сургууль
• Гуравдугаар  байранд 18 дугаар сургууль 
• Тусгай байранд 5 дугаар сургууль 
• Тусгай байранд 3 дугаар сургуулийн баг хамт олон тус тус шалгарлаа. 

Мэдээллийн төв