Төрийн албаны II улирлын ерөнхий шалгалтад 78 иргэн оролцож 38 нь тэнцлээ

Төрийн албаны II улирлын ерөнхий шалгалтыг хоёр өдрийн турш амжилттай зохион байгууллаа.  Энэ удаагийн шалгалтад 94 хүн оролцохоор бүртгүүлснээс  78 иргэн оролцож 38 иргэн буюу 48,7 хувь нь тэнцэв. Шалгалтыг хоёр өдөр зургаан ээлжээр аймгийн ЗДТГ-ын Төрийн албан хаагчийн сургалтын танхимд зохион байгуулсан юм. 

Гуравдугаар улирлын шалгалтын бүртгэл ирэх наймдугаар сард эхэлж есдүгээр сард шалгалтыг зохион байгуулна.  Төрийн жинхэнэ алба хаах хүсэлтэй иргэнийг сонгон шалгаруулж, төрийн албан хаагчийн нөөц бүрдүүлэх төрийн жинхэнэ албан тушаалд тусгай шаардлагыг  хангасан хүнийг чадахуйн зарчимд үндэслэн сонгон шалгаруулж томилох нөхцөл бололцоог бүрдүүлэх нь энэхүү шалгалтын зорилго юм.