Энэ сарын 25-нд Санхүүгийн зохицуулах хорооноос сургалт, хэлэлцүүлэг зохион байгуулна

Санхүүгийн зохицуулах хорооноос энэ сарын 25-нд  буюу пүрэв  гаригт манай аймагт бүсчилсэн сургалт, хэлэлцүүлгийг зохион байгуулах гэж байна.  Орон нутаг дахь зохицуулалттай этгээд төрийн байгууллагын төлөөлөл, иргэд, олон нийтийг соён гэгээрүүлэх, санхүүгийн мэдлэгийг дээшлүүлэх, шинээр батлагдсан мөрдөж буй хууль, журмын талаар мэдлэг олгох, чадавхжуулах нь энэ удаагийн сургалтын зорилго юм.

Энэхүү сургалт хэлэлцүүлгээр системийн нөлөө бүхий банкуудын нийтэд хувьцаагаа санал болгон арилжаалах үйл ажиллагаа, төрийн өмчит компаниудын хувьчлалын үйл ажиллагаа, Мөнгө угаах болон терроризмыг санхүүжүүлэхтэй тэмцэх тухай хууль, Виртуал хөрөнгийн үйлчилгээ үзүүлэгчийн тухай хууль, Мөнгөн зээлийн үйл ажиллагааг зохицуулах тухай зэрэг хэд хэдэн хууль, тогтоомжийн талаар мэдээлэл өгнө.

Тухайлбал, Хөрөнгийн зах зээлийн хууль эрх зүйн орчны шинэчлэлт болон нөхцөл байдлын мэдээллийн талаар Үнэт цаасны газар, Мөнгөн зээлийн үйл ажиллагааг зохицуулах хууль эрх зүйн орчин болон зах зээлийн нөхцөл байдал сэдвээр Банк бус санхүүгийн байгууллагаас мэдээлэл хийх юм байна.  Сургалт хэлэлцүүлэг 25-нд УСО-нд 09:00 цагт эхэлнэ.