Төрийн албан хаагчид Сархиа ууланд мод тарьж байна

Бүх нийтээр мод тарих үндэсний өрийг угтан төрийн албан хаагчид Сархиа уулын энгэрт мод тарьж байна. 

Энэ жил төр, хувийн хэвшил, иргэдийн оролцоотой 11 байршилд 4.7 сая мод тарьж, ургуулна. 

Амралтын өдрүүдэд иргэд Та бүхэн гэр бүл, найз нөхдөөрөө Баян-Өндөр уулын Хүрэнбулагийн ам дахь Гэр бүлийн цэцэрлэгт хүрээлэн, Тарлан толгойд мод тарих боломжтой.

Аймгийн БОАЖГ-аас усалгаа, хар шороо зэргийг хариуцан бэлдсэн байх юм. 

Хавар, намрын мод тарилтаар төр хувийн хэвшил, иргэдийн оролцоотойгоор...

•  Жаргалант сумын Хонгор морьтын амын ойн санд 48 га талбайд 110 мянган ширхэг мод тарина.
• Ойг нөхөн сэргээх төслийг хэрэгжүүлэхээр олон улсын байгууллагатай хамтран ажиллаж байна. Хөшөөтийн даваанаас Гурван замын уулзвар хүртэл авто зам дагуу 476 мянган ширхэг мод тарина. 
• Согоот уулын ойн санд 605 мянган ширхэг мод, 
• Говилын төмөр замын гарамнаас Хангал гол дагуу 40 га-д 3 сая мод, 
• Газар  тариалангийн хөрс хамгаалах, ойн зурвас 18,2 мянган ширхэг модыг “Эрдэнэт үйлдвэр” ТӨҮГ, 
• Хаягдлын далан орчим, цагаан тоосны дэгдэлтийг сааруулах ойн зурвас үргэлжлүүлэн байгуулах ажилд 500 мянган ширхэг модыг мөн Эрдэнэт үйлдвэр ТӨҮГ-тай хамтран хэрэгжүүлнэ. 
• Хот орчимд  ногоон төгөл  бий болгох зорилтын хүрээнд Гурван зам, Тарлан толгой, Сархиа уул орчмын 15 га талбайд 2500 ширхэг мод тарихаар төлөвлөжээ. Ингэснээр 2023 онд  нийтдээ 1200 га талбайд 4.7 сая ширхэг модыг хаврын тариалалтаар төр, хувийн хэвшил иргэдийн оролцоотой тарина. 

Орхон аймаг "Тэрбум мод үндэсний" хөдөлгөөний хүрээнд 20 сая мод тарих зорилт тавьсан билээ. 

                                             Мэдээллийн төв