"Харилцаагаа усалж, хайраар гэрэлтье" өдөрлөг болно

Дэлхийн гэр бүлийн өдөр тавдугаар сарын 15-нд тохиодог. Энэ өдрийг угтан аймгийн ЗДТГ-аас “Бүх хайраа гэр бүлдээ” гэр бүлийн хөгжил хамгааллын сарын аяныг зохион байгуулдаг уламжлалтай. 
Аяны хүрээнд энэ сарын турш гэр бүл рүү чиглэсэн олон үйл ажиллагааг зохион байгуулахаар төлөвлөсний нэг нь энэ сарын 13-нд  гэр бүлийн хүмүүжилд аав нарын оролцоог нэмэгдүүлэх, гэр бүлийн эрүүл харилцааг бүрдүүлэх, ээж нарын хандлагад үнэ цэнийг бий болгох зорилгоор "Харилцаагаа усалж, хайраар гэрэлтье" өдөрлөгийг УСО-нд зохион байгуулах гэж байна. 

Тус арга хэмжээнд  50 гэр бүлийг оролцуулах юм.  Сонирхсон гэр бүл https://forms.gle/eiA96WD7EWDTynhY8 холбоосоор бүртгүүлнэ үү. Энэхүү арга хэмжээ нь үнэ төлбөргүй болно.  Мөн энэ сарын 14-нд буюу ням гаригт “Эрдэнэт” цэцэрлэгт хүрээлэнд “Бүх хайраа гэр бүлдээ” өдөрлөг болох тул Та бүхнийг өргөнөөр оролцохыг урьж байна.