Монголын хосгүй үнэт, сор болсон дүрслэх урлагийн 30 бүтээлийн үзэсгэлэн гарч эхэллээ

Соёлын яамнаас улс орон даяар өрнүүлэх "Соёлын сэргэлт-2023" бүх нийтийн соёлын хүртээмжийг нэмэгдүүлэх аян өнөөдөр Орхон аймагт нээлтээ хийлээ.  21 аймаг, 330 сум, нийслэлийн 9 дүүрэгт “Соёлын сэргэлт-2023” аян хүрч сургалт, сурталчилгаа, танин мэдэхүйн хэлбэрээр соёлыг үрийг тарих юм.  

Аяны хүрээнд  манай аймагт зохион байгуулж буй нэг томоохон арга хэмжээ нь Монголын Уран Зургийн Галерейгаас хосгүй үнэт, сор болсон 30 бүтээлийн үзэсгэлэнг Хүүхэд, залуучуудын театрт олонд хүргэхээр дэлгэлээ.  Монголын Уран зургийн Галерейд 4000 гаруй бүтээлийн алтан сан хөмрөг байдгаас сор 30 бүтээлээ дээжлэн авч ирсэн байна. 
Тухайлбал...

•  Монголын түүх, соёлын хосгүй үнэт дурсгал болох Ардын зураач Ү. Ядамсүрэнгийн “Өвгөн хуурч”, 
• Ардын зураач Г.Одонгийн “Ажлын дараа”,
• Монгол Улсын Хөдөлмөрийн Баатар, Ардын Зураач, Төрийн Соёрхолт Н.Цүлтэмийн “Талын айл” болон та бүхний сайн мэдэх 
• Ардын зураач, төрийн хошой шагналт, УГЗ О.Цэвэгжавын “Эмнэг сургагч”, 
• Д.Амгалан “Жаахан шаргын нутаг”, 
• Ё.Өлзийхутаг “Эх нутгийн эзэд” зэрэг бүтээлийн тусгай үзэсгэлэнг Та бүхэн 5 хоногийг турш үзэж сонирхох боломжтой юм. 

Монголын Уран зургийн галарейн дарга Б.Сарантуяа "Хэн хүссэн нь дэргэдээс нь бодитоор харж чаддаггүй эдгээр сор бүтээлийг Орхон аймгийн иргэдэд 5 хоногийн турш хүргэх гэж байгаатай туйлын таатай байна. Д.Амгалангийн "Жаахан шаргын нутаг" сор бүтээл 34 жил олны хүртээл болоогүй байсан. Их тэнгэрийн аманд тусгай хамгаалалтад байсан бүтээл шүү дээ. Одоо ингээд олны хүртээл болж байгаад баяртай байна" гэлээ. 

 "Соёлын сэргэлт" аяны хүрээнд энэ сарын  10-14-ний өдрүүдэд Хүүхэд, залуучуудын театрт болох арга хэмжээнүүдийг хүргэж байна. 

• МОНГОЛЫН ШИЛДЭГ УРАН ЗУРГУУД” нүүдлийн тусгай үзэсгэлэн
• “HUMANS OF ERDENET” гэрэл зургийн үзэсгэлэн
• “МИНИЙ МӨРӨӨДЛИЙН ХОТ” хүүхдийн гар зургийн шилдэг бүтээлийн үзэсгэлэн  10:00-18:00 цаг хүртэл. 
• “МОНГОЛЫН БОЛОН ДЭЛХИЙН УРЛАГИЙН ТҮҮХ” цуврал лекц /Урлаг судлаач Н.Оргилболдын/ 11:30-12:30 
• “ҮДИЙН ХООЛОНД ЗОЧИЛСОН ХУРГА” хүүхдийн сэтгэлзүйн театрчилсан жүжиг12:30-13:00,  13:00-13:30,  16:00-16:30,   16:30-17:00 цагуудад 
• АРТ ТЕРАППИ – “УРЛАГИЙН СЭТГЭЛ ЗАСАЛ”-ЫН ХӨТӨЛБӨР Хүний сэтгэлийн нандин бүхнийг ил гаргаж, өөрийн давуу тал, сайхан чанарыг нээх, өөрийгөө дотроосоо сонсох сэтгэл заслын хөтөлбөр  14:00-15:00 17:10-18:00 цагт, 
• ХӨГЖИМТЭЙ ЗУРАГ” ХӨТӨЛБӨР  уран зургийг хөгжимтэй хослуулан сонсгол болон хараагаараа дамжуулан өөрийн дотоод мөн чанар нуугдмал би-г сонсох түүнд чиглэсэн нэгэн сонирхолтой контент юм.