Ойрын хоёр жилийн хугацаанд манай аймагт 150 сувилагч, 50 нарийн мэргэжлийн эмч шаардлагатай талаар танилцууллаа

  “Хамтдаа Эрдэнэтэд Хөгжье” өдөрлөгийг аймгийн ЗДТГ, БШУГ, ЭМГ-ынхан АШУҮИС, МУБИС, ШУТИС болон  Этүгэн дээд сургууль дээр өнөөдөр зохион байгуулж байна. 
Өдөрлөгөөр төгсөх дамжааны оюутнуудад аймаг орон нутагтаа ажиллаж, амьдрах таатай нөхцөл, орон нутгийн онцлог давуу тал, хэрэгцээтэй байгаа ажлын байрны талаарх мэдээллийг өгч байна. Ойрын хоёр жилийн хугацаанд манай аймагт 150 сувилагч, 50 нарийн мэргэжлийн эмчийн боловсон хүчин шаардлагатай талаар ЭМГ-ын дарга Д.Сүхээ танилцууллаа. 
      Энэ хүрээнд АШУҮИС-ийн Боловсрол хариуцсан дэд захирал Ш.Батбаатартай уулзаж санал солилцлоо. Ш.Батбаатар захирал төгсөх дамжааны оюутнуудын улсын шалгалт эхэлсэн энэ цаг үед орон нутгийн эрүүл мэндийн салбарын хүний нөөцийн бодлогодоо анхаарч орон нутагт хэрэгтэй байгаа ажлын байраа танилцуулан урьж байгаа нь цаг үеэ олсон арга хэмжээ болохыг онцолж, бүхий л талаар дэмжиж ажиллахаа илэрхийллээ.
    Манай аймгийн 180 эмнэлгийн байгууллагад 2000 орчим хүн ажилладаг. Бид аймгийн ИТХ-ын хуралдаанаар "Эмч "хөтөлбөрийг батлуулан 7 дахь жилдээ хэрэгжүүлж байна. Энэхүү хөтөлбөрөөрөө эрүүл мэндийн салбарын ажиллагсдынхаа эрүүл мэнд, нийгмийн асуудал, мэдлэг ур чадварыг нь дээшлүүлэхэд чиглэсэн олон талын арга хэмжээг авч хэрэгжүүлдэг нь эмч, эмнэлгийн ажилтнуудад бодит дэмжлэг болдог билээ. Мөн төгсөлтийн дараах сургалтыг манай аймаг явуулдаг. Энэ жил ерөнхий мэргэжил, сувилагчийн мэргэжлийн хоёр индексээр 2 сургалт явуулж байна. 

Мэдээллийн төв