Н.Эрдэнэбаатар:Замын бордюр эвдэрсэн нь бэхжүүлэлт муутайгаас болсон, давс, бодисны чанартай холбоогүй

023-2024 оны өвөлжилтийн бэлтгэл хангах ажлын төлөвлөгөөтэй холбоотой Хот тохижуулахтай газрын  мэдээллийг хүргэе. 

2022 ны есдүгээр сараас энэ оны гуравдугаар сар хүртэл 38 удаагийн цас орсны 32 нь их хэмжээний цас байв. Аймгийн Хот тохижуулах газар халтиргаа, гулгаанаас сэргийлж өнгөрсөн өвөл 133,5 тонн бодис, 184,5 тонн давс цацан замын хөдөлгөөний аюулыгүй байдлыг хангасан. Үүнд, орон нутгийн төсвөөс 212 сая төгрөгийг зарцуулж, нэмэлтээр аймгийн Онцгой комиссоос 20 тонн бодис, 60 тонн давс худалдан авах зардлыг шийдвэрлүүлсэн. 

Зам дээр цацсан давс, бодис зарим хэсэг  замын бордюр эвдрэхэд нөлөөлж байна гэх  шүүмж энэ өвөл гарсан.  Энэ үнэхээр давс, бодистой холбоотой юу эсвэл өөр хүчин зүйлээс шалтгаалсан уу гэх Засаг даргын орлогч А.Түвшинжаргалын асуултад Хот тохижуулах газрын ерөнхий инженер “Хуучны буюу оросын бордюрд ямар ч эвдрэл, гэмтэл гараагүй.  Харин сүүл үед хийгдсэн авто замын бордюр эвдэрсэн нь бэхжүүлэлт муутай чанартай нь холбоотой. Давс, бодисны чанартай холбоогүй” гэх хариултыг өглөө. 

Энэ жил давс, бодисонд 265 сая төгрөг зарцуулахаар төлөвлөсөн. Үүнээс 169 сая төгрөгийн худалдан авалт хийхээр бэлтгэл ажил хангаж байгаа ажээ. Өнөөдрийн байдлаар, Хот тохижуулах газар 45 тонн бодис, 40,8 тонн давс, 48 метр куб хайрганы нөөцтэй байна. 

Давс, бодисны хэрэглээг багасгах зорилгоор  шингэн хэлбэрээр урсгаж хайлуулдаг ОХУ-д хэрэглэдэг технологийг нэвтрүүлэхээр судалж байга ажээ.