"Эко" хороолол руу 5 хос шугам татах ажлын төсвийг “Эрдэнэт УДТС” ОНӨХК боловсруулж байна

Өнгөрсөн даваа гаригийн Засаг даргын шуурхай зөвлөгөөнөөр "Эко" хорооллын инженерийн шугам сүлжээг засварлах, солих зардлын тооцоо судалгааг гаргаж, цаашид  ямар арга хэмжээ авч ажиллахыг танилцуулахыг холбогдох мэргэжлийн  байгууллагуудад үүрэг болгосон. 

"Эко" хорооллын шугам сүлжээ нь 2015 онд ашиглалтад орсон боловч шугамын дулаалга муу, сувагт татаагүй бохирын хуванцар хар хоолойд хийснээр дотор шугам руу чийг цохиж шугамыг зэврүүлж, цоорох нөхцөл байдал үүссэн. 
2021 онд 5, 2022 онд 9, 2023 онд 14 цоорол гарч засварлаж хэвийн болгосон боловч шугамын алдагдал хэмжих багажаар хэмжхэд дахин цоорол илрээд байгаа юм. 

“Эрдэнэт-ДТС” ОНӨХК-аас Эко хорооллын УДХТ-өөс сувагт 5 хос шугамыг шинээр татах ажлын төсвийг гаргуулахаар ажиллаж байна гэлээ. Харин Хотын захирагчийн албанаас тус хорооллын гадна ф125 мм-ийн голчтой дулааны шугамд энэ сарын 15-17-ны өдрүүдэд 80 метр ухаж 14 удаагийн гэмтэл гарсныг засварласан. Уг инженерийн шугам сүлжээг сувагт татаагүй бохирын шугамд сүвэгчилж хийснээр гэмтэл их гарч, гэмтлийг илрүүлэхэд хүндрэл үүсэж байна. Цаашид дахин гэмтэл гарах өнндөр магалалтай. Тиймээс "Эко" хорооллын УДХТ-өөс сувагт 5 хос шугамыг шинээр татах ажлын төсвийг “Эрдэнэт УДТС” ОНӨХК боловсруулж байна гэж мэдээллээ.