Ходоодны дурангаар өдөрт үйлчлүүлэх иргэдийн тоог нэг дахин нэмэгдүүлэв

Даваа гаригийн Засаг даргын шуурхай зөвлөгөөн болж, өнгөрсөн долоо хоногийн үүрэг даалгаврын биелэлтийг танилцууллаа. 
 Өнгөрсөн долоо хоногт улс эрүүл мэндийн урьдчилан сэргийлэх үзлэгийн талаарх мэдээ мэдээллийг иргэдэд тогтмол өгч, ажлаа эрчимжүүлэхийг  онцгой анхаарч ажиллах үүрэг даалгаврыг холбогдох байгууллагын удирдлагуудад өгсөн. 

Ходоодны дурангийн үзлэгийг нэмэгдүүлэхээр Эрүүл мэндийг дэмжих төв ходоодны дурангийн кабинетийг уртасгасан цагаар ажиллуулж, богино хугацаанд ариутгах бодисыг ашиглан ходоодны дуранд өдөрт 7 иргэнийг хамруулж байсан билээ. Тэгвэл үүнийг нэг дахин нэмэгдүүлж өдөрт үйлчлүүлэх иргэдийн тоог 14 болгожээ. 
Мөн БОЭТ энэ онд ходоодны дуранг нэмэгдүүлж 3-ийг худалдан авахаар төлөвлөсөн байна. “Баян-Өндөр мед” эмнэлэг ЭМД-ын хэлтэстэй хамтран ажиллах гэрээ байгуулж,  өнгөрсөн сарын 27-ноос эхлэн урьдчилан сэргийлэх үзлэгийг эхлүүлсэн.