Гамшгийн эрсдлийг бууруулах орон нутгийн зөвлөл хуралдав

Аймгийн “Гамшгийн эрсдлийг бууруулах орон нутгийн зөвлөл" 2023 оны анхны хуралдаанаа хийлээ.  Хуралдаанар 2022 онд авч хэрэгжүүлсэн арга хэмжээний төлөвлөгөө,  2023 онд хэрэгжүүлэх үйл ажилаагааны төлөвлөгөөг хэлэлцэв.

Энэ онд 6 арга хэмжээг хийж, хэрэгжүүлэхээр төлөвлөсөн бөгөөд эхний ээлжинд хотын ерөнхий төлөвлөлт, барилгажилт, зам, гарц, талбайн аюулгүй байдлын талаар мэргэжлийн байгууллагуудын дүгнэлтийг сонсох сонсгол зохион байгуулахаар болов. Мөн манай аймагт гамшгийн дуудлага мэдээллийн дийлэх хувийг гал түймрийн дуудлага эзэлж байгаа ажээ. Сүүлийн 5 жилд 500 орчим гал түймрийн дуудлага бүртгэгдсэн байна. Тухайлбал, 2021 онд 88, 2022 онд 101 дуудлага мэдээлэл бүртгэгджээ.

 2012-2018 онд 10 удаагийн үерийн гамшиг бүртгэгдэж багагүй хэмжээний хохирол учирсан. Өнгөрсөн жилүүдэд үерийн ус зайлуулах далан, суваг шуудууг нэмэгдүүлж цэвэрлэх ажлыг сайн зохион байгуулж ирсний үр дүнд энэ төрлийн байгалийг гамшигт осол бүртгэгдээгүй гэсэн мэдээллийг аймгийн Онцгой байдлын газраас өглөө. 

Европын сэргээн босголт, хөгжлийн банкны санхүүжилтээр үерийн далан инженерийн байгууламж шинэчлэх, гэр хорооллын усан хангамжийг сайжруулах "Эрдэнэт хотын гамшигт тэсвэртэй байдал" төсөл хэрэгжиж байгаа билээ.    2022 онд зураг төсвийн болон зөвлөх үйлчилгээний ажлууд хийгдэж ирэх сараас барилгын ажил эхлэх юм.