Жаргалант сумын эмэгтэйчүүдийн IV зөвлөгөөн боллоо

Олон улсын эмэгтэйчүүдийн эрхийг хамгаалах өдрийг угтан Жаргалант сумын эмэгтэйчүүдийн IV зөвлөгөөн өнөөдөр боллоо. Орон нутгийн хөгжилд эмэгтэйчүүдийн дуу хоолойг сонсох, тэдний санал хүсэлтийг сумын эмэгтэйчүүдийн хөгжлийн хөтөлбөрт тусгах нь энэ удаагийн зөвлөгөөний гол зорилго байв.

Жаргалант сум 3500 хүн амтайгаас 47 хувь нь эмэгтэйчүүд эзэлдэг. Хөдөлмөрийн насны эмэгтэйчүүдийн дийлэнх нь газар тариалан, мал аж ахуйн салбарт хөдөлмөр эрхэлж байна.Төрийн албанд ажиллаж буй 192 албан хаагчийн 43 хувь эмэгтэйчүүд, удирдах албан тушаалд 30 хувийг бүрдүүлж байгаа аж.

 Цаашид нийгмийн бүхий л салбарт эмэгтэйчүүдийн манлайлал, оролцоог нэмэгдүүлэх зайлшгүй шаардлага бийг сумын Засаг дарга Б.Зоригтбаяр мэндчилгээндээ онцолсон. Мөн сумын эмэгтэйчүүдэд эрүүл мэнд, боловсрол, ажлын байр  гэхчлэн  б тулгамдаж  буй асуудал байгааг ч хөндөж  байлаа.

Тиймээс эдгээр зүйлсий шат дараатай шийдвэрлэх үүдснээс 2023,2024 онд хэрэгжүүлэх  “Жаргалант сумын эмэгтэйчүүдийн хөгжлийн хөтөлбөр”-ийг боловсруулан, аймгийн ИТХ-ын хуралдаанаар батлуулахаар бэлтгэл ажлыг хангаж байгаа ажээ. Хөтөлбөр батлагдсанаар тус сумын нийт хүн амын 47 хувийг эзэлж буй эмэгтэйчүүдэд боловсрол, эрүүл мэндэд анхаарах, сургах, хөгжүүлэх, салбарт бүрт манлайллыг  бий болгоход тодорхой үр дүнд хүрнэ гэж үзэж байна.

Энэ удаагийн чуулганд 400 гаруй эмэгтэйчүүд оролцож, өөрсдийн дуу хоолойгоо аймаг, орон нутгийн удирдлагуудад дайв. Тэд “Эмэгтэйчүүд ба хөдөлмөр эрхлэлт, Орчны эрүүл мэнд, Халдварт ба халдварт бус өвчлөл, Гэр бүлийн боловсролд эмэгтэйчүүдийн оролцоо” зэрэг сэдвээр хэлэлцүүлэг өрнүүлсэн юм.