“Иргэдтэй хийсэн уулзалтын мөрөөр” хийх ажлын төлөвлөгөөнд онцгой анхаарахыг хэлтэс, агентлагийн дарга нарт үүрэг болголоо

Сар шинийн өмнө Засаг дарга С.Батжаргал  иргэдтэй уулзаж, 2022 оны үйл ажиллагааныхаа тайланг танилцуулахын зэрэгцээ, санал хүсэлтийг нь сонссон. Иргэдээс гарсан 330 гаруй санал хүсэлтийг агуулгаар нь нэгтгэж 48 жагсаалт буюу хийх ажлын төлөвлөгөөг баталсан. Уг төлөвлөгөөг хэлтэс, агентлагийн дарга нарт хүргүүлсэн бөгөөд онцгой анхаарч ажиллахыг  өнөөдрийн шуурхай зөвлөгөөнөөр үүрэг болгов. 

    Тухайлбал, Говил багийн иргэдээс тус багийн нутаг дэвсгэр дээрх хуучин барилгын суурь, “Эрдэнэт Ус дулаан түгээх сүлжээ” ОНӨХК-ийн ашиглагдахгүй байгаа усан сангийн барилгыг буулгах, ойр орчмыг цэвэрлэх санал хүсэлтийг гаргасныг холбогдох байгууллагуудад нь яаралтай шийдвэрлэхийг үүрэг болгосон. 
Үүнд, Хот тохижуулах газраас , Говил багийн иргэдээс тус багийн нутаг дэвсгэр дээрх хуучин барилгын суурь, “Эрдэнэт Ус дулаан түгээх сүлжээ” ОНӨХК-ийн ашиглагдахгүй байгаа усан сангийн барилгыг буулгах, ойр орчмыг цэвэрлэх ажлын зураг төсвийг гарган Хотын захирагчийн албанд хүргүүлсэн гэж мэдээллээ. Уг үүрэг даалгаврын биелэлт хэрэгжиж байна.