Орон нутгаас анх удаа спортын наадмыг орон даяар шууд дамжуулж байна

 “Нөхөрлөл Тэмүүлэл Амжилт” уриан дор Орхон аймаг Эрдэнэт хотод зохион байгуулагдаж буй Монголын бүх ард түмний спортын өвлийн XVI  наадам, Монголын хүүхдийн спортын өвлийн VII  наадам өнөөдөр Хангарьд паласт нээлтээ хийлээ. 
        Өвлийн спортын хоёр наадам нэгэн зэрэг орон нутагт болж буй түүхэн агшныг Орхон аймаг Монголын Үндэсний Олон Нийтийн телевизийн Спорт сувагтай хамтран анх удаа орон нутгаас улс орон даяар шууд дамжуулан хүргэлээ. 
       Нийт 12 аймаг, Улаанбаатар хотын 7 дүүргийн  1000 гаруй тамирчин, дасгалжуулагч, зочид төлөөлөгчид оролцож долоо хоногийн турш үргэлжлэх хоёр наадмын онцлох тэмцээн уралдааныг МҮОНТВ-ийн спорт суваг орон даяар шууд дамжуулж спорт сонирхогчиддоо тухай бүр мэдээ мэдээлэл хүргэн ажиллана. 

Мэдээллийн төв