Даваа гаригийн Засаг даргын шуурхай зөвлөгөөн боллоо

Даваа гаригийн Засаг даргын ээлжит шуурхай зөвлөгөөнийг Засаг дарга С.Батжаргал удирдан явууллаа.  Өнгөрсөн долоо хоногийн Засаг даргын шуурхай зөвлөгөөнөөр Засаг дарга С.Батжаргал харьяа байгууллагуудад 2023 оны худалдан авах үйл ажиллагааг эрт эхлүүлэхэд  анхаарч, бэлтгэл ажлыг хангах, хөрөнгө оруулалтын ажлын бэлэн болсон зураг төсвийг холбогдох байгууллагад хүргүүлэх үүрэг даалгаврыг өгсөн. 

Үүнд   ирүүлсэн байгууллагуудын мэдээллийг хүргэе. 

        Хот байгуулалт, барилга захиалагчийн албанаас..
-2022 оны арваннэгдүгээр сарын 18-ны өдөр аймгийн ЗДТГ-ын ХБТХОХ-ээс ирүүлсэн 2023 онд аймгийн хөрөнгө оруулалтаар хийгдэх 45 ажлын зураг төслөөс бэлэн болсон 26, үнийн өөрчлөлт хийгдэх 8, одоо хийгдэж байгаа 11 зураг төсөв байна. Бэлэн болсон 26 ажлын зураг төсвийг ХБТХОХ-т хүргүүлсэн.
        Хөгжлийн бодлого, төлөвлөлт хөрөнгө оруулалтын хэлтсээс...
-2023 оны худалдан авалтыг хуулийн хугацаанд  эхлүүлэхэд анхаарч, Орхон аймгийн 2023 оны орон нутгийн төсвийн хөрөнгө оруулалтаар хэрэгжүүлэх 22 төсөл арга хэмжээний ажлын зураг, төсвийг Орон нутгийн өмчийн газарт 2022 оны 12 дугаар сарын 06-ны өдрийн 06/2534 тоот албан тоотоор хүргүүлсэн.
       Орон нутгийн өмчийн газраас...
 Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 48 дугаар зүйлийн 48.4-д төсөв батлагдсанаас хойш ажлын 10 хоногийн дотор худалдан авах бараа, ажил, үйлчилгээний нэгдсэн төлөвлөгөөг баталж, Сангийн яаманд хүргүүлнэ.  Мөн хуулийн 48.5-д Худалдан авах ажиллагааны төлөвлөгөөг тухайн жилийн төсөв батлагдсанаас хойш нэг  сарын дотор хэвлэл мэдээллийн хэрэгслээр нийтэд зарлан мэдээлнэ гэж заасан.  2022 оны арванхоёрдугаар сарын 9-ний өдрийн байдлаар 2023 оны төсөв баталсан аймгийн ИТХ-ын тогтоол болон зураг төсөв, техникийн тодорхойлолт, ажлын даалгавар Орон нутгийн өмчийн газарт ирээгүй байна.  
       Жаргалант сумын ЗДТГ-аас...
-2023 оны хөрөнгө оруулалтаар хийгдэх зураг төсвийг хийлгэхээр 10 ажлын жагсаалтыг ХББЗА, ХЗА-нд тус тус хүргүүлсэн. 2022 оны арванхоёрдугаар сарын 08-ны өдөр ХББЗА-аас холбогдох мэргэжилтнүүд ирж зургийн талбайн хэмжилт хийн шаардлагатай мэдээллүүдийг авсан гэх мэдээллийг ирүүлжээ. 

Мэдээллийн төв