Удирдах болон гүйцэтгэх хоёр албан тушаалд тусгай шалгалт зохион байгуулав

Орхон аймгийн Төрийн албаны салбар зөвлөл өнөөдөр /2022.12.08/ удирдах болон гүйцэтгэх  хоёр албан тушаалын тусгай шалгалтыг зохион байгуулав.
Удирдах албан тушаалын тусгай шалгалтыг аймгийн Соёл урлагийн газрын Соёл урлагийн хэлтсийн дарга болон Захиргаа удирдлагын хэлстийн даргын албан тушаалд зохион байгууллаа. Уг хоёр албан тушаалд нийт 7 оролцогч материалаа ирүүлснээс шаардлага хангасан 4 нь шалгалтад орлоо. 

Гүйцэтгэх албан тушаалын тусгай шалгалтад мөн Соёл урлагийн газарт  7 ажлын байранд тусгай шалгалтыг зарласан. Үүн дээр 9 оролцогч оролцохоор бүртгүүлснээс нэг нь шалгалтад  оролцохоос татгалзаж 8 нь шалгалт өгөв.
Гурван ажлын байранд тухайн оролцсон хүмүүс нь шаардлага хангаагүй учраас оны дараа дахин тусгай шалгалтыг зарлахаар боллоо.   Дээрх шалгалтад оролцож хамгийн өндөр оноо авсан шалгууулагчдын материалыг Төрийн албаны зөвлөлд хүргүүлэхээр бэлтгэл хангаж  байна.