Аливаа хурал,зөвлөгөөнөөр орон нутагтаа үйлдвэрлэсэн ус, ундаа, цай сонгож бизнес эрхлэгчдээ дэмжих уриалгыг гаргав

Аймгийн ЗДТГ, USAID-ын санхүүжилттэй "Хөгжлийн шийдэл" ТББ-ын хэрэгжүүлж буй "BEST" хөтөлбөртэй хамтран орон нутгийн жижиг, дунд бизнес эрхлэгчид, байгууллага, аж ахуйн нэгжүүдийн дунд хамтын ажиллагааны түншлэл үүсгэх, орон нутгийн худалдан авалтыг дэмжих зорилгоор өнөөдөр  хэлэлцүүлэг зохион байгуулж санал солилцлоо.
Тус хэлэлцүүлэгт томоохон аж ахуйн нэгж, байгууллагууд, орон нутгийн үйлдвэрлэл эрхлэгчдийн 60 төлөөлөл оролцов.
Аж ахуйн нэгжүүд, үйлдвэрлэл эрхлэгчид тулгарч буй асуудлаа хамтдаа олж арга замаа тодорхойлох, орон нутгийн жижиг, дунд үйлдвэрлэл эрхлэгчдийн бараа бүтээгдэхүүнийг худалдан авалтаар дэмжих нь энэхүү уулзалт, хэлэлцүүлгийн зорилго  байв. 

     Орхон аймаг нь Баялаг Бүтээгч аймаг. Уул уурхайгаас гадна оёмол бүтээгдэхүүн, газар тариалан, хүнс, зам, барилгын материал үйлдвэрлэл зэрэг бүхий л салбарт хөдөлмөрлөж, баялаг бүтээгчид олон бий. 

Засаг дарга С.Батжаргал  уулзалтын үеэр Орхон аймагт үйл ажиллагаа явуулж буй бүхий л ААНБ-уудыг орон нутгийнхаа бизнес эрхлэгчдийг дэмжиж бараа бүтээгдэхүүнийг худалдан авах уриалгыг гаргасан.  Тэрээр, төрийн байгууллагууд, төрийн өмчит компаниуд, ААН-үүд хурал зөвлөгөөн байнга хийдэг. Энэ үеэрээ ширээн дээрээ тавьдаг ус ундаа, цай гэх мэт зүйлсэд Орхон аймагтаа үйлдвэрлэсэн бараа бүтээгдэхүүнээ хэрэглэж байх уриалж байна" гэсэн

Уулзалтад оролцсон ААНБ-ууд хоол хүнс, сүү цагаан идээ, хөдөлмөр хамгааллын хувцас нийлүүлэлтээр хамтран ажиллахаа илэрхийлж байв. Эдийн засаг хүнд энэ цаг үед орон нутагт үйл ажиллагаа явуулж буй ААНБ-ууд бизнес эрхлэгчдээ дэмжиж, хамтарч ажиллавал томоохон дэмжлэг болох юм. 

Мэдээллийн төв