21 багийн 200 орчим ажилгүй иргэнээр нийтийг хамарсан ажил гүйцэтгүүлэв

Даваа гаригийн Засаг даргын шуурхай зөвлөгөөн хуралдаж, Баян-Өндөр сумын Засаг дарга Б.Баасансүрэн өнгөрсөн долоо хоногт хийж хэрэгжүүлсэн ажил болон цаг үеийн асуудлаар мэдээлэл өглөө. 

• Мал, тэжээвэр амьтдын тооллого энэ сарын 7-17-ны хооронд орон даяар нэгэн зэрэг эхэлнэ. Баян-Өндөр сумын ЗДТГ-аас  хөдөөгийн 7, төвийн нэг чиглэлд тооллого явуулахаар бэлтгэл ажлыг хангаж байна. 
• Өнөөдрийн байдлаар 120 тонн буюу нүүрсний зургаан хоногийн нөөцтэй байна. 
• ХХҮГ-тай хамтран нийтийг хамарсан ажлын хүрээнд цас цэвэрлэгээний ажлыг 11.30-12.4 хүртэл 5 хоногийн хугацаанд зохион байгуулав. Уг ажилд 21 багийн ажилгүй 200 иргэнийг хамруулжээ. 
• Зам талбайн хальтиргаа гулгаанаас сэргийлж аж ахуйн нэгж, албан байгууллагуудыг ойр орчмын 50 метр доторх  талбайн цас, мөсийг цэвэрлэх албан мэдэгдлийг 19 багийн ажлын албанд хүргүүлжээ.  Энэ хүрээнд өнгөрсөн долоо хоногт 517 ААН 31 мянган метр квадрат талбайн цас, мөс цэвэрлэсэн байна.