Аймгийн 2023 оны төсвийг баталлаа

Аймгийн ИТХ-ын ээлжит XIII  хуралдаанаар 2023 оны төсвийн орлого, зарцуулах зардлын хэмжээг 256.9 тэрбум мянган төгрөг, улсын төсөвт төвлөрүүлэх орлогын хэмжээг 142,9 тэрбум төгрөгөөр баталлаа.

2023 оны төсвийн хөрөнгөөр хийгдэх төсөл хөтөлбөрийн онцлогоос дурдвал:

• 2023 онд судсан дотуурх мэс заслын төрлүүдийг улам нэмэгдүүлж, чадварлаг боловсон хүчнийг тогтвортой ажиллах нөхцлийг бүрдүүлнэ.
•  Боловсролын салбарт энэ оны хүрсэн үр дүнг улам сайжруулж, үргэлжлүүлнэ.
•   Япон Улсын туршлагыг нэвтрүүлэх “Токкацу” арга зүй, “Тоглонгоо суралцъя-2 хөгжилтэй бүтээлч гэрийн даалгавар”, “Эгэл бүхэл арга зүй” төслүүдийг шинээр хэрэгжүүлнэ. 
•   Хүндээ чиглэсэн арга хэмжээнүүдийг үргэлжлүүлж, олон улсын байгууллагуудтай хамтран хэрэгжүүлнэ.

2023 оны төсвийн хөрөнгөөр хийгдэх хөрөнгө оруулалтын онцлогоос дурдвал:

•   Ерөнхий боловсролын сургуулийн сурагчдыг ширээ сандлаар хангана. 
•    Хот тохижуулах газрын парк шинэчлэлийн ажлыг үргэлжлүүлэн гэр хорооллын хог ачилтыг 14-21 хоногт багтаан татан авалт хийнэ.
•   Нийтийн тээврийн үйлчилгээнд шинэ 18 автобус худалдан авна. 
•  Уран эгшиг, Ирээдүйн одод зэрэг  төрөлжсөн сургуулиудын засварыг хийж, шинэ тоног төхөөрөмжөөр хангана.
• Хотын төвд гэрэлтүүлэг, гэр хорооллын сайжруулсан зам хийнэ. 
• 1-ээс 6-р хорооллыг тойрсон 18 км дугуйн зам хийнэ. 
•  Жаргалант суманд 500 тн-ын зоорь барьж ашиглалтад оруулна.

 2023 оны хувьд Засгийн газрын тэргүүлэх зорилтоос хог хаягдлын менежмент, Тэрбум модны үндэсний хөдөлгөөнийг хэрэгжүүлэх “Ногоон Эрдэнэт” хөтөлбөрт түлхүү анхаарч 2,6 тэрбум төгрөгийн хөрөнгө оруулалт хийхээр төлөвлөжээ.