Тайлант хугацаанд нийт 1567 ажлын байр бий болсоны 53.7 хувь нь шинээр бий болсон ажлын байр байна

Аймгийн Засаг даргын 2020-2024 оны үйл ажиллагааны хөтөлбөрийн 2022 оны гүйцэтгэлийн урьдчилсан хэрэгжилтийн биелэлтийн тайланг ИТХ-ын ээлжит XIII хуралдаанаар  хэлэлцэж байна. 

Тайлант хугацаанд нийт 1567 ажлын байр бий болсоны 53.7 хувь нь шинэ ажлын байр байна. Нийт бий болсон ажлын байрны 11.0 хувь нь үйлчилгээний бусад үйл ажиллагааны салбарт, 17.5 хувь нь худалдааны салбарт, 17.5 хувь нь боловсруулах үйлдвэрлэлийн салбарт, 17.9 хувь нь боловсролын салбарт, 36.1 хувь нь бусад салбарт бий болжээ.

Иргэдээ ажилтай, орлоготой байлгах чиглэлээр хийж хэрэгжүүлсэн  буй ажлын мэдээлэл. 

• Хөдөлмөр эрхлэлтийн үндэсний зөвлөлөөс батлагдсан хөдөлмөрт бэлтгэх хөтөлбөрийн хүрээнд Орхон МСҮТ, ХАА-н МСҮТ-тэй хамтран цахилгаанчин, гагнуурчин, үсчин, оёдол, тогооч зэрэг 5 мэргэжил олгох сургалтыг зохион байгуулж, нийт 58 иргэн чадамжийн гэрчилгээг олгосон байна.
•  Хөдөлмөр эрхлэлтийг нэмэгдүүлэх, ажлын байр бий болгох, хөдөлмөрийн насны ажилгүй иргэдийг сургах, чадавхжуулах чиглэлээр хөдөлмөр эрхлэлтийг дэмжих 7 хөтөлбөрт 28 арга хэмжээнд 900 сая төгрөгийг зарцуулсан байна. 
• Орон нутагт улсын болон орон нутгийн, хувийн хэвшлийн бүтээн байгуулалттай холбоотойгоор 31 ажил олгогч байгууллагаас 448 иргэнийг түр ажлын байраар хангах, 52 албан хүсэлт ирснийг холбон зуучлах ажил зохион байгуулсан нь өмнөх оны мөн үеэс шинэ ажлын байр өссөн үзүүлэлттэй байна.
• Ажил мэргэжлийн чиг баримжаа олгох, ганцаарчилсан зөвлөгөө мэдээллийг 762 иргэнд, нийт 1620 иргэнд ажил мэргэжлийн чиг баримжаа олгох, зөвлөгөө өгөх үйлчилгээг хүргэсэн байна.
• Монгол Улсын Засгийн газраас хэрэгжүүлж буй "Цахим Монгол" хөтөлбөрийн хүрээнд ehalamj.mn цахим системд. 2020 онд 6, 2021 онд 26, 2022 онд 40 үйлчилгээг нэмж цахимд шилжүүлснээр нийгмийн халамжийн 72 төрлийн үйлчилгээ 100 хувьтай цахимжсан. Цахим үйлчилгээг нэвтрүүлснээр нийгмийн халамжийн бүх үйлчилгээг нэг дороос шуурхай чирэгдэлгүй авах нөхцөл бүрдээд байна.
• Эдийн засгийн өсөлт, бизнес эрхлэлтийг дэмжих Progress төсөл хамтран “Аймгийн брэнд бүтээгдэхүүн хөгжүүлэлт” дэд төслийн уралдааныг нээлттэй зарлаж 5 бүтээгдэхүүн шалгаруулан тоног төхөөрөмж шинэчлэхэд 5.0-15.0 сая төгрөгийн дэмжлэгийг үзүүллээ.
• “Эрдэнэт Шинжлэх ухаан, технологийн парк” ОНӨААТҮГ-ын дэргэд орон нутгийн бизнес эрхлэгчдийн бараа бүтээгдэхүүнийг худалдаалах “Эрдэнэт бренд” дэлгүүрийг ажиллуулж, 30 бизнес эрхлэгчдийн 50 гаруй нэр төрлийн бараа, бүтээгдэхүүнийг худалдаалсан байна. Мөн “Эрдэнэт бренд” цахим хуудсыг ажиллуулж байна.
•  Монгол Улсын Засгийн газраас Хөдөө аж ахуйн үйлдвэрлэлийг дэмжих хөтөлбөрөөс 9 аж ахуйн нэгжид 3,1 тэрбум, 53 иргэнд 1,2 тэрбум буюу нийт 4,3 тэрбум төгрөгийн зээл олгосон байна. 
• Жижиг, дунд үйлдвэрийг хөгжүүлэх сангаас 2 аж ахуйн нэгжид 194,3 сая төгрөгийн, аймгийн жижиг, дунд үйлдвэр, үйлчилгээ эрхлэгчдийг дэмжих хөнгөлөлттэй зээлд 1 аж ахуйн нэгжид 50  сая төгрөгийн зээлийг тус тус олгосон байна.
• Хоршоо хөгжүүлэх сангийн зээлд зөгийн аж ахуй, халтар арвай, мод үржүүлгийн чиглэлийн 5 аж ахуйн нэгж, 1 хоршоо 230,0 сая төгрөгийн санхүүжилт авч 9 ажлын байр шинээр нэмэгдэж, 23 ажлын байр хадгалагдсан бөгөөд тайлант онд 18 аж ахуйн нэгж, 53 иргэн 4.7 тэрбум төгрөгийн зээлийн дэмжлэгт хамрагдсан байна.
•  “Эрдэнэт” ШУТП-Бизнес хөгжлийн төв, Германы Олон Улсын Хамтын ажиллагааны нийгэмлэгийн Эдийн засгийн өсөлт, бизнес эрхлэлтийг дэмжих “PROGRESS” төсөлтэй хамтран “Импортыг орлох бүтээгдэхүүн” хөтөлбөрт 10 аж ахуй нэгжид 7-10 сая төгрөгийн тоног төхөөрөмжийн санхүүжилтийг олгосон.  Германы хамтын ажиллагааны нийгэмлэгийн Progress төслөөс 28 аж ахуйн нэгж 250  сая төгрөгийн тоног төхөөрөмжийн дэмжлэг авав.
• Орон нутагт үйлдвэр, үйлчилгээ явуулж буй үйлдвэр аж ахуй нэгжүүдээ дэмжин хамтран ажиллаж байна. “Эрдэнэт хивс” ХХК нь ээрэх, нэхэх, ноос боловсруулах үйлдвэрийн хүчин чадлыг нэмэгдүүлснээр эцсийн бүтээгдэхүүний тоог нэмж, шинээр 76 ажлын байр бий болгосон байна. 
• “Энх-Ундрам үйлс” ХХК, “Мөнх баян алт” ХХК-иуд нь хонь, тэмээний ноосны эцсийн бүтээгдэхүүнийг үйлдвэрлэн зах зээлд нийлүүлж байна. “Мөнх баян алт” ХХК нь Германы олон улсын хамтын ажиллагааны нийгэмлэгийн GIZ, Progress төсөлд хамрагдаж хонины ноосон эсгий углааш, эсгий дотортой арьсан гутал, ажлын эсгий гутал үйлдвэрлэлд шаардлагатай 9.1 сая төгрөгийн тоног төхөөрөмжийн дэмжлэг авч бүрэн автомат үйлдэлтэй болгосноор ажлын байрыг 6-аар нэмэгдүүлэн 13 ажлын байр хадгалагдсан байна.
• Арьс ширэн бүтээгдэхүүн үйлдвэрлэлийн чиглэлээр үйл ажиллагаа эрхэлдэг “Ширмэг цүнх” ХХК нь “Хоршоо хөгжүүлэх сан”-ийн зээлд хамрагдан арьсан дээрх хөөмөл урлалын төхөөрөмж худалдан авч бүтээгдэхүүний нэр төрлөө нэмэгдүүлсэн байна.