Газрын харилцааны талаар 2023 онд баримтлах үйл ажиллагааны чиглэлийг баталлаа

Аймгийн ИТХ-ын  ээлжит XIII хуралдаан хоёр дахь өдрөө үргэлжилж байна. Хуралдаанаар газрын харилцааны талаар 2023 онд баримлах үйл ажиллагааны чиглэлийг  хэлэлцэж, 100 хувийн саналаар  баталлаа. 
2023 онд Газар зохион байгуулалтын чиглэлээр 8, барилга хот байгуулалтын чиглэлээр 5 арга хэмжээг зохион байгуулахаар төлөвлөжээ. 
Тухайлбал, Газрын төлөв байдал, чанарын захиалгат хянан баталгааны дүгнэлтийг цахим хэлбэрээр хүлээн авч, байнгын шинжээчээр баталгаажуулах арга хэмжээний хүрээнд 500 нэгж талбарыг  шинээр баталгаажуулах зорилтын тусгасан байна. Энэ онд 900 нэгж талбарыг бүртгэж баталгаажуулжээ. 
   Мөн Хангайн бүсийн тулгуур төв Эрдэнэт хотыг 2040 он хүртэл хөгжүүлэх Хөгжлийн ерөнхий төлөвлөгөөг боловсруулах ажлын гүйцэтгэгчтэй хамтран ажиллах, орон нутгийн хот байгуулалтын суурь судалгаа мэдээллээр хангах, Аймгийн хэмжээнд гудамж, талбайн нэр, эд хөрөнгийн хаягжуулалтын зургийг  боловсруулан хаягийн цахим системд оруулах гэх мэт 13  арга хэмжээг тусгажээ. 

Мэдээллийн төв