Ирэх оны төсвийн төслийг өргөн барилаа

         Орхон аймгийн Засаг дарга болон холбогдох албаныхан 2023 оны төсвийн төслийг хуулийн хугацаанд аймгийн ИТХ-д өргөн барьлаа. 
Төвсийн тухай хуульд жил бүрийн 11 дүгээр сарын 25-ны дотор орон нутгийн төсвийн төслийг аймгийн Засаг дарга аймгийн ИТХ-д өргөн барих бол 12 дугаар сарын тавны дотор аймгийн иргэдийн Төлөөлөгчдийн Хурлын хуралдаанаар батлахаар заасан байдаг. 
          Орхон аймгийн 2023 оны төсвийг ирэх сарын 1-нд хуралдах аймгийн ИТХ-ын ээлжит XIII хуралдаанаар хэлэлцэн батална. 
2023 оны хөрөнгө оруулалтын онцлогоос дурдвал нийт хөрөнгө оруулалтыг 50 хувь буюу 10,9 тэрбум төгрөгийг хүний хөгжилд чиглүүлсэн. Дэд бүтцийн салбарт 9,0 тэрбум төгрөгийн хөрөнгө оруулалтыг төлөвлөсөн бөгөөд үүнээс авто замд 4,6 тэрбум төгрөг төлөвлөсний 70 орчим хувь нь гэр хорооллын иргэдийн санал хүсэлтийн дагуу сайжруулсан замд, гэрэльүүлэгт 0,7 тэрбум төгрөг зарцуулахаар төсвийн төсөлд тусгасан байна.

          Мөн Засгийн газрын тэргүүний зорилтоос хог хаягдлын менежмент, ногоон Эрдэнэт хөтөлбөрт түлхүү анхаарч 2,5 тэрбум төгрөгийн хөрөнгө оруулалт хийхээр төлөвлөжээ. 

Мэдээллийн төв