“СОЁЛЫГ ТҮГЭЭЕ” аян номын баяраар эхэллээ

ЗДТГ-аас  хоёр дахь жилдээ “Соёлыг түгээе"  аяныг  “Хувийн соёл–Байгууллагын соёл- Хотын соёл” уриатайгаар  эхлүүллээ. Иргэд, олон нийтэд чиглэсэн соёл, нөлөөллийн олон талт үйл ажиллагаагаар нийгэмд эерэг хандлага, өөрчлөлтийг бий болгох зорилготой уг аян өнөөдөр  60 гаруй зохиолч уран бүтээлчдийн хамт номын баяраар   Уурхайчин соёлын ордонд нээлтээ хийлээ.  
       Нээлтэд Засаг дарга С.Батжаргал, Засаг даргын орлогч А.Түвшинжаргал болон бусад албаны хүмүүс уран бүтээлчид оролцлоо. 
“Соёлыг түгээе” аяны хүрээнд зохион байгуулж буй номын үзэсгэлэн худалдаанд зохиолч Б.Шүүдэрцэцэг, Б.Сарантуяа, Б.Номинчимэд, Д.Галсансүх, Ш.Солонго, Ж.Нарана  гэх мэт 10 гаруй зохиолчид уншигчидтайгаа уулзаж  байна. Мөн Альфабүүк, Интерном, Нефко зэрэг байгууллагууд дэлхийн болон монголын сонгодог уран зохиол, орчуулгын ном,  хүүхдийн уран зохиол гээд олон   номтойгоо хүрэлцэн иржээ. 

 Өнгөрсөн жил зохион байгуулсан “Соёлыг түгээе” аяны хүрээнд  бүхий л салбарт чиглэсэн соёл, нөлөөллийн 40 гаруй арга хэмжээг төлөвлөн хэрэгжүүлж, төрийн болон хувийн хэвшлийн 120 байгууллагыг хамруулсан үйл ажиллагааг зохион байгуулсан. 
 Энэ жилийн тухайд боловсрол, эрүүл мэнд, спорт, гэр бүл, хүүхэд залуучууд, нийтийн тээвэр, тохижилт үйлчилгээ зэрэг нийгмийн томоохон салбаруудад чиглэсэн  45 арга хэмжээг зохион байгуулахаар төлөвлөж байна. 
“Соёлыг түгээе-2022” аяны үйл ажиллагаанд иргэд, хүүхэд, залуучууд, байгууллага, хамт олон та бүхнийг идэвхитэй оролцохыг уриалж байна. “Соёлыг түгээе” аян арванхоёрхоёрдугаар сарын 22 хүртэл хоёр сарын хугацаанд үргэлжлэх юм.

Мэдээллийн төв