Хүүхдийн хүлээн авах тасаг дээр ӨЭТ-ийн эмч нарыг нэмэлтээр ажиллуулахыг үүрэг болголоо

Энэ долоо хоногийн шуурхай зөвлөгөөнийг Засаг дарга С.Батжаргал удирдан явууллаа.  Шуурхай зөвлөгөөний эхэнд ЗДТГ-ын Хяналт шинжилгээ, үнэлгээний хэлтсийн дарга М.Жанбалот өнгөрсөн долоо хоногт өгсөн үүрэг даалгаврын биелэлтийг танилцуулав. Мөн Баян-Өндөр сум, Жаргалант сум, Улсын бүртгэлийн хэлтсээс цаг үеийн асуудлаар мэдээлэл хийлээ. 
Засаг дарга С.Батжаргал харьяа  байгууллагуудад  хэд хэдэн үүрэг даалгавар өгөв.   

• Үүнд, шинэ санал, санаачилга гаргаж, амжилт гарган ажилласан байгууллага, баг хамт олныг урамшуулж алдаршуулах.  Цаашид энэхүү урамшууллын тогтолцоог жишиг болгох. Байгууллагууд шинээр хийж хэрэгжүүлсэн ажлуудынхаа тайланг ирүүлэх. 
• Томуу, томуу төст өвчний халдвар ихсэж байгаатай холбоотойгоор БОЭТ-ийн Хүүхдийн хүлээн авах тасаг дээр Өрхийн эмнэлгийн эмч нарыг нэмэлтээр ажиллуулах, 
• Өрхийн эрүүл мэндийн төвүүдийг айл өрх бүрээрээ орж, өрхүүдтэйгээ ойр ажиллах, 
• Төсөл хөтөлбөрүүдийг сурталчлах ажилд анхаарах
• БОАЖГ-д аймаг руу орж ирэх түлээ, түлшний модыг ямар нэгэн хүндрэл, асуудал гаргахгүйгээр нэвтрүүлэх гэх мэт үүрэг даалгаврыг өглөө.