Улаан-Үдэ хотын эмч нарын төлөөлөл БОЭТ, "Эрдэнэт медикал" эмнэлгийн үйл ажиллагаатай танилцлаа

Улаан-Үдэ  Эрдэнэт хотын  хооронд тогтоосон найрамдал, хамтын ажиллагааг бэхжүүлэх үйл ажиллагааны хүрээнд тус хотын  хувийн хэвшлийн эрүүл мэндийн байгууллага болох "Римт Оношилгоо Эмчилгээний төв"-ийн ерөнхий захирал Зангаева Леонора Александровна тэргүүтэй удирдлагын бүрэлдэхүүн Орхон аймагт  энэ өдрүүдэд зочилж байна. 

Төлөөлөгчид өнөөдөр аймгийн Эрүүл мэндийн газар, Эрдэнэт медикал, БОЭТ-ийн үйл ажиллагаатай танилцлаа.
  Энэ үеэр "Римт Оношилгоо Эмчилгээний төв"-ийн ерөнхий захирал Зангаева Леонора Александровна “Орхон аймгийн  хувийн хэвшлийн болон улсын эмнэлгүүдийн тохижолт, тоног төхөөрөмж өндөр төвшинд хангагдсан байгааг онцлон хэллээ. Мөн тэрээр эмнэлгийн үүдээр орж ирсэн өвчтөн хаашаа, хэнд хандах нь ойлгомжтой, тэдгээр хүмүүст туслах хөтөч үйлчилгээг нэвтрүүлсэн нь сайхан санагдлаа хэмээн сэтгэгдлээ хуваалцлаа. 
Улаан-Үдэ хотын "Римт Оношилгоо Эмчилгээний төв” нь  мэдрэлийн чиглэлээр үйл ажиллагаа явуулдаг эмнэлэг юм.