2023 ОНД ОРОН НУТГИЙН ХӨРӨНГӨ ОРУУЛАЛТААР ХИЙХ АЖЛЫН САНАЛЫГ ИРГЭДЭЭС АВЧ БАЙНА

ЗДТГ-ын Хөгжлийн бодлого, төлөвлөлт, хөрөнгө оруулалтын хэлтсээс 2023 оны орон нутгийн хөрөнгө оруулалтаар хийх ажлын талаар багийн иргэдтэй  уулзалт хийн санал авч байна. 
Өчигдөр Зэст, Оюут, Уурхайчин, Хүрэнбулаг, Уртбулаг  зэрэг долоон багийн иргэдийн төлөөлөлтэй уулзсан. Өнөөдөр үдээс өмнө  Говил, Баянцагаан, Дэнж багийн иргэдтэй уулзсан бол үдээс хойш Баянбулаг, Их залуу, Шанд багийн иргэдтэй уулзлаа. 
Энэхүү уулзалтын гол зорилго тухайн багт нэн хэрэгцээтэй шаардлагатай ажлын саналыг иргэдээс авч, зураг төсвийг гарган хөрөнгө оруулалтад тусгах юм. 

      Засаг дарга С.Батжаргал орон нутгийн хөрөнгө оруулалтад залуучуудын саналыг тусгах нь зүйтэй гэж үзэж, холбогдох газар хэлтсүүдэд үүрэг өгсөн билээ. Үүнтэй холбогдуулан ЗДТГ-ын ХОХБХ-ээс “Орон нутгийн хөрөнгө оруулалтад залуучуудын саналыг тусгах” уулзалтыг өнгөрсөн тавдугаар сард зохион байгуулж, 25 багийн 100 орчим залуус  оролцож санал бодлоо илэрхийлсэн. 
Энэ удаагийн уулзалтаар өмнө нь иргэдээс авсан ерөнхий саналыг нарийвчлах юм.  Маргааш Даваат, Яргуйт, Наран, Цагаанчулуут, Булаг, Уртбулаг багийн иргэдтэй уулзана.