Төрийн байгууллагууд аливаа ажил, арга хэмжээг зохион байгуулахдаа ажлын өдөртэй уялдуулахыг үүрэг болгов

Аймгийн Засаг даргын энэ долоо хоногийн шуурхай хуралдаан болж, Засаг даргын орлогч А.Түвшинжаргал удирдан явууллаа. 
Өнөөдрийн шуурхай хуралдаанаар “Эрдэнэт-Ус” ДТС ОНӨХК,  “Эрдэнэтийн дулааны цахилгаан станц” ТӨХК, Орхон АЗЗА  ТӨХК, Сууц өмчлөгчдийн холбоо зэрэг мэргэжлийн байгууллагууд өвөлжилтийн бэлтгэл ажлын талаар мэдээлэл өгөв.  

Мөн өнгөрсөн долоо хоногт өгсөн үүрэг даалгаврын биелэлтийн хэрэгжилтийг хэлэлцлээ. Тухайлбал, "Аюулыг мэдээлэх" сарын аяны хүрээнд хэрэгжүүлсэн ажлын тайланг олон нийтэд мэдээлэхийг үүрэг болгосон.  Үүнд Хотын захирагчийн албанаас Аюулыг мэдээлэх аппликейшнд нийтдээ 505 аюул ослын мэдээ ирсэн. Үүнээс өнгөрсөн  хоногт 14 аюул ослын мэдээ ирснээс 8 асуудлыг шийдвэрлэж, зургаан  санал гомдлыг шийдэхэд цаг хугацаа, хөрөнгө хүч шаардлагатай тул харьяа байгууллагууд хийх ажлын төлөвлөгөөндөө оруулаад байна гэх мэдээллийг ирүүлжээ. 

Шуурхай хуралдааны төгсгөлд  Засаг даргын орлогч А.Түвшинжаргал дараах үүрэг даалгаврыг өглөө. 

•   Он дамжиж байгаа  бүтээн байгуулалт хөрөнгө оруулалтын ажилд   анхаарах,
•    Хөрөнгө оруулалт төсөл хөтөлбөрүүдээр хэрэгжих ажлыг холбдогдох газар хэлтэс нягт нямбай зангидаж, боловсруулах
•   Цахим гарын үсэг олгох ажлыг идэвхжүүлж, эрчимжүүлэх 
•   Төрийн байгууллагууд аливаа ажил, арга хэмжээг зохион  байгуулахдаа ажлын өдөртэй уялдуулж зохион байгуулахыг тус тус үүрэг болголоо.

Мэдээллийн төв