Аймгийн Засаг даргын орлогчоор А.Түвшинжаргалыг томиллоо

Монгол Улсын Засаг захиргаа, нутаг дэвсгэрийн нэгж түүний удирдлагын тухай хуулийн 60-р зүйлийн 60.1.20 дахь заалтыг үндэслэн аймгийн Засаг даргын 2022 оны Б/17 дугаар захирамжаар Агваанчүлтэмийн Түвшинжаргалыг 2022.10.21-ний өдрөөс аймгийн Засаг даргын орлогчоор томиллоо.

Товч намтар:  Агваанчүлтэмийн Түвшинжаргал нь 1974 онд Архангай аймгийн Хайрхан суманд төрсөн.

• 1996-2001 онд  “Улаанбаатар –Эрдэм” дээд сургуулийг Эрх зүйчээр,
• 2006-2008 онд Удирдлагын Академийн Төрийн захиргааны удирдлагын менежер,
• 2010-2012 онд Хангайн бүсийн Улс төрийн Боловсролын Академийг Нутгийн захиргааны удирдлагын менежер, 
• 2013-2015 онд Их засаг олон улсын сургуулийг Хууль зүйн магистраар тус тус төгссөн. 

Ажилласан байдал:

• 1997 онд  төрийн анхан шатны нэгж Баян-Өндөр сумын Баянцагаан багт НХЖХ-ийн олон нийтийн байцаагч,
• 1999 онд Баян-Өндөр сумын Уртбулаг багийн олон нийтийн байцаагч,
• 2001-2003 онд Орхон аймгийн Баян-Өндөр сумын Цагаанчулуут багийн зохион байгуулагч,
• 2003-2016 онд Орхон аймгийн  Баян-Өндөр сумын Цагаанчулуут багийн Засаг дарга,
• 2008-2012, 2012-2016, 2016-2020, 2020 оны  орон нутгийн сонгуулиар  Баян-Өндөр сум Цагаанчулуут багаас аймгийн ИТХ-д сонгогдон ажиллаж байна.