“Хичээллэе-Өрнүүлье-Хэвшье” аян эхэллээ

 Иргэдийг эрүүл, идэвхтэй амьдралын хэв маягт уриалан “Хичээллэе-Өрнүүлье-Хэвшье” аяныг ЗДТГ-аас эхлүүлээд байна. Аяны хүрээнд өмчийн бүх хэлбэрийн ерөнхий боловсролын сургуулиудын спорт заалыг ажлын өдрүүдэд 06:20-07:20 цагийн хооронд иргэдэд үнэ төлбөргүй ашиглуулж дасгал хөдөлгөөн хийх боломжоор хангах Засаг даргын А/711 дугаар захирамж албажин гарлаа.

Үүний хүрээнд Биеийн тамир спортын газрын А заал, Ерөнхий боловсролын сургуулиудын спорт заал, Баян-Өндөр сумын спорт заал ажлын өдрүүдэд 06:20-07:20 цагийн хооронд иргэдэд  үйлчилнэ. 

       Өнгөрсөн арванхоёрдугаар сард Ерөнхий сайдын санаачилгаар Биеийн тамир, спортын улсын хорооноос зохион байгуулсан "Илүүдэл жингүй-Эртэч Монгол" аяныг өрнүүлсэн. Тус аянд Орхон аймгийн 46 төрийн болон төрийн бус байгууллага хамт олон өглөө бүр 0.6:30-07:30 цагуудад 4 спорт заал, 12 танхим, гадаа 9 талбай, бүжгийн клубүүдээр дасгал хөдөлгөөн хийж, давхардсан тоогоор 45 мянга орчим иргэн хамрагдсан. Тиймээс өглөө бүр идэвхтэй дасгал хөдөлгөөнөөр хичээллэж, эрүүл амьдралын дадлыг хэвшүүлж “Хичээллэе-Өрнүүлье-Хэвшье” аянд нэгдэхийг уриалж байна.

Мэдээллийн төв