Бүх спорт заалнуудыг 06:00 цагаас ажиллуулж эхлэх үүрэг өглөө

        Аймгийн Засаг даргын шуурхай хуралдаан хуралдаж Засаг дарга С.Батжаргал доорх үүрэг даалгавруудыг төрийн байгууллагын холбогдох дарга удирдлагуудад өглөө. 
1.    "Эртэч Эрдэнэт" аяныг үргэлжлүүлэн хэрэгжүүлэх зорилгоор аймгийн хэмжээнд үйл ажиллагаа явуулдаг бүх спорт заалнуудыг өглөө 06:00 цагаас ажиллуулж иргэдэд үнэ төлбөргүй үйлчлэх боломжоор хангах,
2.    Цагдаагийн газар, БШУГ-ууд хамтран электрон тамхины худалдаа болон хэрэглээнд хязгаарлалт тавих ажлыг хийж хэрэгжүүлэх шаардлагатай байгаа, 
3.    ХЗА-аас хэрэгжүүлж буй аюулыг мэдээлэх сарын аяны явцыг тайлагнаж, иргэдэд мэдээлэл хүргэх талаар тус тус мэдэгдлээ.

     Шуурхай хуралдаанаар Хотын захирагчийн алба, ХХААГ,  ХББЗА, БОАЖГ-ын удирдлагууд цаг үеийн мэдээлэл хийсэн юм. Хотын захирагчийн албанаас хийсэн мэдээллээр: Өнөөдрийн байдлаар болзошгүй аваарын зардлаар 24 ажил хийгдэж байгаа бөгөөд 5 дээврийн ажил бүрэн дуусч техникийн комисс ажиллажээ. 
      Авто замын эвдрэл гэмтлийн судалгааг хийж 246,2 метр квадрат талбайд нөхөөс хийх шаардлагатай байгааг тогтоожээ. 
Энэ сарын 6, 7-ны өдрүүдэд орсон цаснаар нийтийн эзэмшлийн гудамж талбай, авто зам уулзвар гарцуудад хот тохижуулах газраас 9 тонн бодис цацаж хөдөлгөөний аюулгүй байдлыг        хангажээ. 

Мэдээллийн төв