Орон нутагт анх удаа эрэн хайх аврах нисдэг тэрэг ашиглан дадлага сургууль хийгдлээ

Манай аймагт зохион байгуулагдаж байгаа гамшгаас хамгаалах иж бүрэн сургуулийн хүрээнд Газар хөдлөлтийн гамшгийн голомтод эрэн хайр аврах ажиллагааг зохион байгуулах дадлага сургууль өнөөдөр боллоо. 
Тус сургууль нь орон нутагт анх удаа энэ төрлийн дадлага сургуулийг ОБЕГ-ын агаараас эрэн хайх аврах ангийн нисдэг тэрэг ашиглан явуулж байгаа гэдгээрээ онцлогтой. 
Бүх шатны гамшгаас хамгаалах төлөвлөлтийг бодит байдалд нийцүүлэн тодотгох, салбар дундын удирдлага зохицуулалтыг боловсронгуй болгох, хүч хэрэгслийн бэлтгэл, бэлэн байдлыг дээшлүүлэх зорилгоор зохион байгуулж буй юм. 
Дадлага сургуулилтад 43 гамшгаас хамгаалах мэргэжлийн ангийн 450 гаруй алба хаагчид оролцлоо. 

Мэдээллийн төв