Нүүн шилжүүлэх дадлага сургуульд урьдчилсан байдлаар 56,000 иргэн хамрагдсан байна

Гамшгаас хамгаалах иж бүрэн сургуулийн хүрээнд өнөөдөр аймгийн иргэдийг нүүн шилжүүлэх дадлага сургууль зохион байгуулагдаж урьдчилсан байдлаар 56,000 гаруй иргэн хамрагдлаа. 

Нүүн шилжүүлэх дадлага сургууль нь түр цугларах аюулгүй байршлыг иргэдэд таниулах, гамшгийн дараах нүүлгэн шилжүүлэлтийн талаар мэдлэг ойлголт өгөх зорилготой юм. 
Дадлага сургуулийн үйл ажиллагаанд ОБЕГ-ын дэд дарга бригадын  генерал Б.Ууганбаяр, аймгийн Засаг дарга С.Батжаргал болон гамшгийн эрсдэлийн үед бэлэн байх мэргэжлийн ангиудын дарга удирдлагууд оролцлоо. Мөн аймгийн ОБГ-ын албан хаагч, сургалтын багийн гишүүд нийт 120 гаруй албан хаагч оролцон зохион байгууллаа. 

2017 онд Хөвсгөл аймагт зохион байгуулагдсан гамшгаас хамгаалах иж бүрэн сургуулилтын үед 30,000 гаруй иргэн цуглаж байсан нь улсын хэмжээнд хамгийн олон иргэн сургуулилтын үед цуглаж байжээ. Харин энэ жил Орхон аймагт зохион байгуулагдаж байгаа нүүн шилжүүлэх дадлага сургуулилтын үед 56,000 гаруй иргэнийг хамруулж мэдлэг мэдээллээр хангаж чадлаа. 

Мэдээллийн төв