Жаргалант сумын 2022-2023 оны өвөлжилтийн бэлтгэл ажил 76,5 хувьтай үргэлжилж байна

         Аймгийн Засаг дарга С.Батжаргал, Тамгын даргын үүргийг түр орлон гүйцэтгэгч Ш.Ганболд, ХЗА-ны дарга С.Ганцогт болон бусад албаны хүмүүс Жаргалант сумын өвөлжилтийн бэлтгэл ажилтай танилцлаа. 
        Жаргалант сумын хэмжээнд Мал аж ахуйн өвөлжилт, Газар тариалангийн үйлдвэрлэлийн үйл ажиллагааг зохион байгуулах, ААН-үүдийн өвөлжилтийн бэлтгэл, Хөрөнгө оруулалт, дэд бүтцийн ажлыг хийж гүйцэтгэх чиглэлээр нийт 51 арга хэмжээг төлөвлөж өнөөдрийн байдлаар 76,5 хувьтай үргэлжилж байна. 

Мал аж ахуйн өвөлжилтийн блэтгэл ажлын хүрээнд: 
          Энэ өвөл сумын  хэмжээнд нийт 526 өрхийн 73742 мал өвөлжинө. Үүнээс тэмээ 26, адуу 6372, үхэр 9799, хонь 27286, ямаа 30256 толгой мал байна. 
Өрхийн мал махны дотоодын хэрэгцээнд зориулж  зах зээлд нийт 18569 толгой малыг борлуулах төлөвтэй байгаа ажээ. 
        Энэ жил Дулаан уул багийн Цагаан хөтөл болон, Улаантолгой багт худаг шинээр гаргах ажил хийгдэж ашиглалтад хүлээн авахад бэлэн болжээ. Мөн улсын төсвийн хөрөнгө оруулалтаар Жаргалантын энгэрт шинээр худаг гаргахаар тусгагдсан байна. ингэснээр 29 өрхийн 51 иргэн, 8113 малын усан хангамж сайжирна гэв. 

Газар тариалангийн чиглэлээр: 
       2022 онд сумын хэмжээнд:  Үр тариа- 4699га, Тэжээлийн ургамал - 203,85га, Тосны ургамал - 197га, Төмс – 119,02га, Хүнсний ногоо 395,5га нийт 5614,5га талбайд тариалалт хийжээ. Үүнээс одоогийн байдлаар төмс 150тн, хүнсий ногоо 250 тн, хураан авсан бөгөөд үр тарианы болц удаашралтай байгаа тул хураалт хүлээгдэж байгаа талаар мэдээлэл өглөө. 

Мэдээллийн төв