Аймгийн ИТХ-ын зөвлөл хуралдаж байна

Энэ сарын 15-нд аймгийн ИТХ хурал хуралдана.  Өнөөдөр ИТХ-ын зөвлөлийн тавдугаар хуралдаанаар зарим асуудлыг хэлэлцэж байна.  ИТХ-ын Зөвлөл хуралдааны эхэнд аймгийн 2021 оны төсвийн гүйцэтгэлийг хэлэлцэв. 

 2021 оны  орон нутгийн төсвийн орлого 10,7 тэрбум буюу 115 хувиар  давж биелэв

Сүүлийн жилүүдэд аймгийн төсвийн гүйцэтгэл давсан орлоготой биелж ирсэн. 

• Тухайлбал, 2017 онд 44,5 тэрбум төгрөг төлөвлөж 46,7 тэрбум төгрөг,
• 2018 онд 44,4 тэрбум төгрөг төлөвлөж 50,1 тэрбум төгрөг,
• 2019 онд 55,1 тэрбум төгрөг төлөвлөж 65,3 тэрбум төгрөг,
• 2020 онд 66,7 тэрбум төгрөг төлөвлөж 72,9 тэрбум төгрөгийг орон нутгийн төсөвт  тус тус төвлөрүүлсэн байна. 

Өнгөрсөн оны тухайд 69.3 тэрбум төгрөг төлөвлөж 80.0 тэрбум төгрөгийг орон нутгийн төсөвт төвлөрүүлж 10,7 тэрбум буюу 115 хувиар  орон нутгийн орлого давсан байна. 
16 нэр төрлийн татварын орлогоос бууны албан татвар, улсын тэмдэгтийн хураамж зэрэг орлогын албан татвар буурсан  үзүүлэлттэй гарсан нь ковидийн нөхцөл байдал мөн программ шинэчлэлт зэрэг үйл ажиллагаатай холбоотой гэх тайлбарыг ЗДТГ-ын Санхүү, төрийн сангийн хэлтсээс тайлбарлав. Уг асуудлыг ИТХ-аар хэлэлцүүлэхийг Зөвлөлийн гишүүд дэмжсэн. 

Мөн Нэршил өөрчлөх тухай, Зөвшөөрөл олгох тухай, Газрын үнэлгээний бүс, итгэлцлүүрийн тоон утга төлбөрийн хэмжээг тогтоох тухай, Газар зохион байгуулалтын ерөнхий төлөвлөгөөг батлах тухай, Хугацаа сунгах тухай зэрэг асуудлыг хэлэлцэж байна.