“Цахим Эрдэнэт” хөтөлбөрийн хүрээнд эрүүл мэндийн салбарт 20 ширхэг лабтоп хүлээлгэн өглөө

   Өнөөдөр аймгийн Засаг дарга С.Батжаргал БОЭТ-д ажиллаж “Цахим Эрдэнэт” хөтөлбөрийн хүрээнд олгож буй 20 ширхэг лабтопыг түргэн тусламжийн тасаг, хэвтэн эмчлүүлэх зарим тасгийн сувилагч, өрхийн эрүүл мэндийн төвийн эмч нарт гардуулан өглөө.
     Өвчтөний онош шивэх, эмийн жор бичилт зэрэг үйлчилгээг эмнэлгийн цахим системд холбогдон газар дээр нь үзүүлэх боломжоор хангах зорилгоор уг тоног төхөөрөмжийг олгож байгаа ажээ. Ингэснээр: түргэн тусламжийн дуудлага хүлээн авч буй эмч нь тухайн иргэнд хүрч үйлчлэхээс өмнө иргэний өвчний түүхийг харж урьдчилсан дүгнэлт хийх боломж бүрдэнэ. Мөн ӨЭМТ-дэд биеэр очиж үйлчлүүлэх боломжгүй иргэдэд гэрийн эргэлт хийх хугацаандаа хөнгөлөлттэй эмийн жор олгох боломжтой болно. Түүнчлэн БОЭТ-ийн тасаг нэгжийн сувилагч нарын ажлын ачааллыг бууруулах, иргэний өвчний түүхийг цаг хугцаанд нь эмчийн тэмдэглэл, эмнэл зүйн нэгдсэн системд бүртгэх давуу талууд бий болж байна. 
      Тус хөрөнгө оруулалт нь “Цахим Эрдэнэт” хөтөлбөрийн хүрээнд эрүүл мэндийн салбарт хийгдэж буй ажил бөгөөд үүнд орон нутгийн төсвийн 140 сая төгрөгийг шийдвэрлэжээ.