Нөөцийн өвс, тэжээлийг ирэх аравдугаар сарын 5-ны дотор бүрдүүлнэ

Өнгөрсөн долоо хоногийн  Засаг даргын зөвлөлийн шуурхай хуралдаанаар аймгийн хөдөө аж ахуйн болон хотын өвөлжилтийн  бэлтгэл ажлыг хангаж ажиллах үүрэг даалгаврыг хариуцсан байгууллагуудад өгсөн. 
Хүнс, хөдөө аж ахуйн газраас аймгийн хөдөө аж ахуйн салбарын 2022-2023 оны өвөлжилтийн бэлтгэл хангах ажлын төлөвлөгөөг аймгийн  ИТХ-ын 2022 оны тавдугаар сарын 3-ны өдрийн ээлжилт  IX хуралдааны 09/02 дугаар тогтоолоор батлуулан хэрэгжилтийг ханган ажиллаж байна гэж мэдээллээ. 
Мөн энэ жил аймгийн аюулгүйн нөөцөд 1000 боодол буюу 20 тонн өвс, 3100 шуудай буюу 77.5 тонн тэжээлийг бэлтгэхээр техникийн тодорхойлолтыг аймгийн Орон нутгийн өмчийн газарт хүргүүлсэн байна. 
Мал аж ахуйн салбарын хөвөлжилтийн бэлтгэл ажлыг хангуулах аймгийн нөөцийн өвс, тэжээлийг бэлтгэх тендерт “Тугчинбаатар” ХХК шалгарч нөөцийн өвс, тэжээлийг 2022 оны аравдугаар сарын 5-ны дотор бүрдүүлнэ.