Орхон аймгийн баяр наадам ёслол төгөлдөр эхэллээ

 Монголын Тулгар төрийн 2230, 2231 жил, Их Монгол улсын 815, 816 жил, Ардын хувьсгалын түүхт 100, 101 жил, Эрдэнэт хот байгуулагдсаны 45, 46 жилийн ой, Орхон аймаг, Эрдэнэт хотын баяр наадам ёслол төгөлдөр эхэллээ. 
   Аймгийн Засаг дарга С.Батжаргал баяр наадмыг нээж хэлсэн үгэндээ ...
“Сайхан Монгол эх орон, амжилт бүтээлийн эзэд Эрдэнэтчүүдээрээ гоёсон энэ наадам, өргөн дэлгэр, ёс журамтай, ахмадуудаа хүндэтгэсэн, Эрдэнэтийн гэсэн өнгө төрх, үнэт зүйлтэй, хүүхэд залуучууддаа уламжлал, ёс заншил, түүх, соёлоо түгээсэн, хөдөлмөр бүтээл, ажлын шинэ амжилт, бахархал, дурсамжаар дүүрэн байна гэдэгт итгэлтэй байна.

         Аймгийн хурал, захиргааны байгууллагаас Орхон аймаг, Эрдэнэт хотын бүх бодлого, үйл ажиллагааг “Хүний хөгжил”-д чиглүүлэн  ажиллаж 2021 оныхоо ажлаар улсын хэмжээнд тэргүүллээ.   Ийнхүү Орхон аймгийг 2021 оны ажлаараа улсын хэмжээнд тэргүүн байранд шалгарахад нийт иргэд, байгууллага, аж ахуйн нэгжүүд, наадамчин олон та бүхний итгэл, сэтгэл, идэвхи санаачилга, бүтээлч хөдөлмөр ихээхэн үүрэг гүйцэтгэснийг наадмын энэ өглөө бахархан тэмдэглэхэд таатай байна. 
Мөн олон байгууллага, аж ахуйн нэгжүүд амжилт бүтээлээрээ улсад тэргүүн байранд шалгарч, Улсын баатар Эрдэнэт үйлдвэрийн уурхайчин хамт олон маань Монгол Улсын топ 100 аж ахуйн нэгжүүдийг тэргүүллээ. 

        Эрдэнэтчүүд та бүхэндээ баярлалаа.
     Их жанжин “Д.Сүхбаатарын одонт”, “Улсын тэргүүний Орхон аймаг, Эрдэнэт хот”-ынхоо нийт иргэд, эрхэм хүндэт зочид, төлөөлөгчид, наадамчин олон та бүхэндээ Монгол  наадмын халуун  мэндийг дахин хүргэж,  эр бяр, хурд шандас, цэц  мэргэний гайхамшгийг харуулж, цог хийморьтой, баяр цэнгэлээр дүүрэн, их түүхээрээ бахархан, амжилт бүтээлээр дүүрэн наадахын өлзийтэй сайхан ерөөлийг өргөн дэвшүүлье” гэлээ. 
Баяр наадмын нээлтийн үйл ажиллагаа таван хэсгээс бүрдсэн бөгөөд 
•    Нэгдүгээр хэсэг-Гал бадраах ёслол, 
•    Хоёрдугаар хэсэг-Наадмын нээлтийн үйл ажиллагаа
•    Гуравдугаар хэсэг-Эрдэнэт хотын 46 жилийн ойг тодотгосон арга хэмжээ, 
•    Дөрөвдүгээр хэсэг-Ардын хувьсгалын 100,101 жилийн од зориулсан арга хэмжээ, 
•    Тавдугаар хэсэг-Ардын баяр наадмын цэнгэлийг багтаажээ. 
Наадмын нээлтийн ерөнхий найруулагчаар УСО-ны  ерөнхий найруулагч, МУСТА Д.Отгонбаатар ажиллаж, соёл урлагийн байгууллагын 600 гаруй хүн оролцсон тоглолтыг  Цэнгэлдэх дүүрэн  үзэгч олон уухайлан үзлээ. 

Мэдэ