Орхон аймаг 21 аймгаас хамгийн анхны “Орон сууцны хөтөлбөр” боловсруулж ИТХ-аар батлууллаа

Аймгийн ИТХ-ын 10 дахь удаагийн хуралдаан цахимаар  хуралдаж 2022 оны тодотгосон төсөв, Нэршил өөрчлөх тухай, Хөтөлбөр батлах тухай гэсэн гурван асуудлыг хэлэлцэж баталлаа. 
2022 оны тодотгосон төсвийн төслийг  баталлаа.  Төсвийн тухай хуульд нэмэлт өөрчлөлт оруулах тухай хуулийг өнгөрсөн дөрөвдүгээр сард УИХ-ын хаврын чуулганы ээлжит нэгдсэн хуралдаанаар баталсан. Үүнтэй холбогдуулан аймгийн 2022 оны төсөвт тодотгол хийх зайлшгүй шаардлага бий болсон учир Төсвийн тухай хуулийн 34 зүгээр зүйлийн 34.2.1 дэх заалтын дагуу 2022 оны тодотгосон төсвийн төслийг танилцууллаа. 
УИХ-аас баталсан  Төсвийн тухай хуульд заасан өөрчлөлтөөр...

•  Аймгийн төсвөөс улсын төсөвт төвлөрүүлэх орлогыг 6 тэрбум 986 сая төгрөгөөр нэмэгдүүлэн  91 тэрбум төгрөг болгож нэмэгдүүлсэн. 
• ОНХНС-аас олгох санхүүжилтийг 810  сая төгрөгөөр бууруулсан. 
• Орон нутгийн төсвийг 7,8  тэрбумаар бууруулах шаардлага үүссэн. 

Мөн УИХ-ын чуулганы нэгдсэн хуралдаанаар орон нутгийн Ерөнхий боловсролын сургууль, хүүхдийн цэцэрлэг МСҮТ,биеийн тамир, театр, чуулга, музей, номын сан зэрэг баййгууллагууудыг төрийн үйлчилгээний /ТҮ-1-3/ зэрэглэлийн албан хаагчдын цалин хөлсийг улсын төсвөөс олгохоор шийдвэрлэсэн. Иймд орон нутгийн төсвөөс 7,8 тэрбум төгрөгийн эх үүсвэр шаардлагатай болсон тул  хэд хэдэн  эх үүсвэрийг бууруулсан байна.
    УИХ-ын чуулганы нэгдсэн хуралдаанаар орон нутгийн Ерөнхий боловсролын сургууль, хүүхдийн цэцэрлэг МСҮТ,биеийн тамир, театр, чуулга, музей, номын сан зэрэг байгууллагуудыг төрийн үйлчилгээний ТҮ-1-3 зэрэглэлийн албан хаагчдын цалин хөлсийг улсын төсвөөс олгодог болсон. Иймд орон нутгийн төсвөөс 7,8 тэрбум төгрөгийн эх үүсвэр шаардлагатай болсон тул   хэд хэдэн арга хэмжээний зардал танасан 2022 оны тодотгосон  төсвийн төслийг ИТХ-ын төлөөлөгчид бүхлээр нь дэмжиж баталлаа.  

Номын төвийн нэрийг өөрчилж Нийтийн номын сан болголоо 

ИТХ-ын хуралдаанаар хэлэлцсэн дараагийн асуудал нь аймгийн Номын төвийн нэрийг өөрчилж Нийтийн номын сан болгох байв. 
Орхон аймгийн Номын санг хамгийн сүүлд Эрдэнэт хотын АДХ-ын Гүйцэтгэх захиргааны 1993.12.04-ний өдрийн 131 дүгээр тогтоолоор Хүүхдийн номын сан, Номын худалдааг нэгтгэн “Номын төв” нэртэйгээр ажиллуулах шийдвэр гарснаас хойш 29 жил болжээ. 2014 онд батлагдсан “Номын сангийн тухай хууль”-ийн гуравдугаар зүйл буюу хуулийн нэр томъёоны тодорхойлолтод үндсэн хэллэг нь “Нийтийн номын сан” гэсэн нэршлээр явдаг. Харин номын сан нь дотроо нийтийн, сургалтын, хүүхдийн, эрдэм шинжилгээний гэсэн төрөлтэй байна гэж заажээ. 
      Одоогийн байдлаар орон нутгийн хэмжээнд Орхон аймгийн номын сан нь ганцхан “Номын төв” гэсэн нэршилтэй байна. 2007 онд батлагдсан “Аймаг нийслэлийн нийтийн номын сангийн үлгэрчилсэн дүрэм”-ийн 1.1-д /Аймаг нийслэлийн нийтийн номын сан нь цаашид “Нийтийн номын сан” гэнэ/ бие даасан үйл ажиллагаатай, иргэдэд ном, хэвлэл мэдээллээр үйлчлэх, мэдлэг боловсролоо дээшлүүлэхэд нь туслах үүрэг бүхий орон Энэ нь олон улсын төсөл хөтөлбөр, хөрөнгө оруулалтад хамрагдахад нэршлийн хувьд ойлгомжгүй байдал үүсдэг. Тухайлбал, олон улсын нэршлээр “Номын сан” гэсэн үг нь “Library” хэмээн түгээмэл орчуулагддаг бол “Номын төв” гэдэг үг нь “Book center” хэмээн зөрүүтэй орчуулагддаг ажээ. Дээрх учир шалтгааны улмаас Номын төвийн нэрийг өөрчлөх хэрэгцээ шаардлага үүсч өнөөдрийн ИТХ-ын хуралдаанаар нэршлийг Нийтийн номын сан болгон өөрчиллөө.  

Цагаанчулуут багийн нутаг дэвсгэрт  орон нутгийн төсвийн хөрөнгө оруулалтаар орчин үеийн номын төв байгуулах ажил ид өрнөж байна. Уг бүтээн байгуулалтын ажлыг “Шинжүү” ХХК гүйцэтгэж байгаа бөгөөд энэ онд ашиглалтад оруулах юм. 

Орхон аймаг “Орон сууцны хөтөлбөр”-тэй боллоо

Орхон аймгийн иргэдийг инженерийн хангамжтай орон сууц болон хувийн сууцны хангамжийг нэмэгдүүлж, орон сууцжуулах, орон сууцны хотхон хорооллын төлөвлөлтийг цогцоор шийдвэрлэх, бага, дунд орлоготой иргэдийг орлогод нийцсэн орон сууцаар хангах, түрээсийн орон сууцны санг нэмэгдүүлэх, гэр хорооллын дахин төлөвлөлт, гэр хорооллын газрыг дахин зохион байгуулах, эрчим хүчний хэмнэлттэй орон сууцыг хөгжүүлэх зорилтыг хэрэгжүүлэх зорилгоор “Орхон аймгийн 2022-2025 онд хэрэгжүүлэх орон сууцны хөтөлбөр”-ийг боловсруулсан байна.  

      Тус хөтөлбөрийг Монгол улсын Хөгжлийн бодлого, төлөвлөлтийн тухай хууль, Монгол Улсын Засгийн газрын 2021 оны 119 дүгээр тогтоолоор батлагдсан “Хөгжлийн бодлогын баримт бичиг боловсруулах аргачлал”, Монгол Улсын Засгийн газрын Алсын хараа 2050 урт хугацааны бодлогын баримт бичиг, 150 айлын орон сууц-үндэсний хөтөлбөр, Орхон аймгийг хөгжүүлэх таван жилийн үндсэн чиглэл,  Аймгийн Засаг даргын 2020-2024 оны үйл ажиллагааны хөтөлбөр зэргийг удирдлага болгон  Аймгийн Засаг Даргын тамгын газрын хэлтсүүд, Хотын Захирагчийн алба, Газрын харилцаа, барилга хот байгуулалтын газар, Баян-өндөр сум, Жаргалант сум, инженерийн дэд бүтцийн хангагч, ашиглагч байгууллагуудын төлөөлөл нийт  таван удаа хэлэлцүүлж, албан ёсоор нийт хоёр удаагийн саналыг авч тусгажээ.
Тус хөтөлбөрийг хэрэгжүүлснээр...

• Төр, хувийн хэвшлийн түншлэлээр орон сууцны төсөл хөтөлбөр хэрэгжүүлэх таатай орчин бүрдэж орон сууцны бүтээн байгуулалт эрчимжинэ.
• Аймгийн хэмжээнд түрээсийн орон сууцны олон талт хэлбэр хөгжснөөр түрээсийн орон сууцны сан нэмэгдэнэ. 
• Эрчим хүчний хэмнэлттэй ногоон амины орон сууцыг бүтээн байгуулалт эрчимжинэ.  
• Гэр хорооллын дахин төлөвлөлтийн төслүүдийг хэрэгжүүлснээр иргэдийн ая тухтай, эрүүл аюулгүй амьдрах орчин бүрдэх юм. 

Мэдээллийн төв