2021 оны үр дүнгээр тэргүүлсэн байгууллагуудад шагналыг нь гардууллаа

   Аймгийн Засаг даргын дэргэдэх захиргааны байгууллага болон сумдын Засаг даргын Тамгын газрын 2021 оны үйл ажиллагаанд хийсэн хяналт, шинжилгээ үнэлгээний ерөнхий дүнгээр хамгийн өндөр үнэлгээ авсан байгууллагуудад өнөөдөр шагналыг нь гардууллаа. 
     2021 оны үнэлгээгээр статистикийн хэлтэс, Онцгой байдлын газар, Цагдаагийн газар, Татварын хэлтэс, Орон нутгийн өмчийн газар хамгийн өндөр үнэлгээ авсан байгууллагуудаар  шалгарсан байна. 
        Шагналыг аймгийн Засаг даргын орлогч А.Түвшинжаргал, М.Түмэнжаргал, Засаг даргын Тамгын газрын дарга Д.Соёлчхүү болон холбогдох хэлтсийн хамт олон гардуулан өглөө. 
Энэ жилийн хувьд байгууллага тус бүрд очиж хамт олны дунд шагналыг гардуулан өгсөн бөгөөд цар тахлын хүнд үе буюу өнгөрсөн 2 жилийн хугацаанд хийж гүйцэтгэсэн ажил ч мөн өнөөдрийн энэ шалгуур үнэлгээнд орж байгаа гэдгийг удирдлагууд онцоллоо.