Бадминтоны 18 дахь удаагийн насанд хүрэгчдийн улсын аварга шалгаруулах тэмцээн Орхон аймагт өнөөдөр эхэллээ

2022 оны Бадминтоны насанд хүрэгчдийн улсын аварга шалгаруулах  тэмцээн Орхон аймагт өнөөдөр эхэллээ.  18  дахь удаагийн улсын аварга шалгаруулах тэмцээнд Хэнтий, Улаанбаатар, Дорноговь, Хөвсгөл, Дархан зэрэг 14 аймгийн 150  тамирчин оролцож, хурд хүч авхаалж самбаагаа сорино. 
   Энэ удаагийн улсын аварга шалгаруулах тэмцээнд зөвхөн мэргэжлийн тамирчид бус сонирхогчдын төвшний  С ангиллыг  хамт зохион  байгуулж байгаагаараа онцлогтой болж байна. Сонирхогчдын ангилалд оролцож  буй тамирчид, эмэгтэй, эрэгтэй хос төрлөөр өрсөлдөх бол насанд хүрэгчдийн ангигалалд эрэгтэй эмэгтэй, хос, холимог төрлөөр өрсөлдөх юм.               Монгол Улсын Бадминтоны холбоо 1998 онд Эрдэнэт хотод анх үүсэн байгуулагдаж байсан учир жил бүрийн улсын аваргыг Орхон аймагт зохион байгуулдаг уламжлалтай. Цар тахлын дараа зохион байгуулагдаж байгаа энэ жилийн улсын аварга шалгаруулах тэмцээнд аймгуудын клубын тамирчид өргөн бүрэлдэхүүнтэй оролцож  байгааг зохион байгуулагчид онцолсон.        Орхон аймгийн ЗДТГ,  Монголын Бадминтоны холбоо, Хангарьд спорт цогцолбор, SOKO LLC зэрэг байгууллагууд хамтран зохион байгуулж байна. Тэмцээн өнөөдөр, маргааш   хоёр өдрийн турш Хангарьд паласт үргэлжилнэ.