“Төсөвт байгууллагын санхүүгийн тайлагнал, толилуулга, тодруулгын зарим асуудал” сэдэвт сургалт боллоо

Орхон аймгийн  Засаг даргын үйл ажиллагааны хөтөлбөрийг хэрэгжүүлэх арга хэмжээний хүрээнд  аймгийн ИТХ, ЗДТГ  МУИС-ийн Эрдэнэт сургуультай хамтын ажиллагагааны гэрээ байгуулсан.  Хамтын ажиллагааны хүрээнд төрийн албан хаагчдын мэргэжил мэдлэгийг дээшлүүлэх, сургалт зохион байгуулах, судалгаа хийх зэрэг 5  цуврал арга хэмжээг зохион байгуулахаар төлөвлөсөн. 
Эхний арга хэмжээг аймгийн ИТХ-ын даргын санаачилгаар орон нутгийн төсөвт байгууллагуудын нягтлан бодогчдын мэдлэг чадварыг дээшлүүлэх, чадавхжуулах зорилгоор МУИС-ийн Эрдэнэт сургуулийн Нягтлан бодох бүртгэлийн тэнхимийн багш нар  “Төсөвт байгууллагын санхүүгийн тайлагнал, толилуулга, тодруулгын зарим асуудал” сэдвээр өчигдөр  сургалт зохион байгууллаа. Сургалтад орон нутгийн төрийн сангийн ажилтнууд, төсөвт байгууллага, орон нутгийн өмчит үйлдвэрийн газар, өрхийн эрүүл мэндийн төвийн санхүү, бүртгэлийн нийт 118 ажилтан хамрагдлаа. Энэ сургалт нь 3 үе шаттай явагдах бөгөөд дараагийн сургалт нь 9, 11 дүгээр сард болно.