“New story” хөгжлийн хөтөлбөр Орхон аймагт үргэлжилж байна

 “New Story” буюу шинэ түүх  хөгжлийн хөтөлбөрийг Гэр бүл, Хүүхэд, Залуучуудын хөгжлийн газар, Монголын залуучуудын холбоо болон бусад мэргэжлийн байгууллагууд хамтран улсын хэмжээнд бүсчлэн хэрэгжүүлж байгаа.  Өнөөдөр  Орхон аймагт үргэлжилж,  залуучуудад сургалт мэдээллийг өгч байна.  
Монгол Улс 2017 онд Залуучуудын хөгжлийг дэмжих тухай хуультай болж 20118 оноос хэрэгжиж эхэлсэн. Хуульд заасны дагуу аймаг, сумдад залуучуудын хөгжлийг дэмжих салбар дундын үйл ажиллагааг орон нутгийн төвшинд уялдуулан зохицуулах чиг үүрэг бүхий Залуучуудын хөгжлийн салбар зөвлөлүүд байгуулагдан ажиллаж байгаа.
    Орхон аймгийн Засаг дарга, Залуучуудын салбар зөвлөлийн тэргүүн С.Батжаргал оролцогсдод хандан үг хэлэхдээ “Залуучууд илүү их хөгжиж, сонирхлоороо нэгдэх ёстой. Үе дотроосоо малайлагчдыг гаргаж ирэх ёстой.  Орхон аймаг хүн ам ихтэй, залуучуудын хот. Тэр хэрээрээ залуучууд нийгмийн оролцоо өндөр, олон санал санаачлагыг гаргаж, дэвшүүлж, түүнийгээ хийж хэрэгжүүлдэг. Хамгийн гол нь залуучууд өөрсдийн гаргасан санал, санаачлагаа өөрсдөө атгаж хийдэг байх нь чухал. Хэн нэгэн оролцоод ирэхээр залуучуудын анхны гаргасан санаа, хүссэн чиг нь өөрчлөгдөж тэр хэрээрээ хүсэл мөрөөдөл нь биелэлээ олохоо больчихдог. Залуучуудын хүсэл тэмүүлэл аймгийн төсөвт бодитоор тусдаг байхын төлөө ажиллаж байна” хэмээв.
 Аймгийн Залуучуудын хөгжлийн  салбар зөвлөл нь залуучуудын хөгжил, оролцоог дэмжих, эрхийг хангах, салбар хоорондын хамтын ажиллагаанд дэмжлэг үзүүлэх, шийдвэр гаргах төвшинд залуучуудын оролцоог нэмэгдүүлэх, тэдгээрийн үзэл бодлыг сонсох, залуучуудын хөдөлмөр эрхлэлтийг дэмжих гэх мэт зорилтыг тавин ажиллаж байна. 

Монгол Улсын нийт хүн амын 29,8  хувийг бүрдүүлж буй оюутан залуудыг эерэг хандлагатай, мэргэжилтэй, орлоготой болгон төлөвшүүлэх, хөдөлмөр эрхлэлтийг нь дэмжиж, оролцоо манлайллыг хөгжүүлэх нь “New story” хөгжлийн хөтөлбөрийн зорилго юм.
"New story" хөгжлийн хөтөлбөрийн  хүрээнд ерөнхий болосвролын сургуулийн ахлах ангийн сурагчдад зориулсан “Ирээдүйн эзэд” мэргэжил сонголтын аяныг өрнүүлж, мэргэжлээ хэрхэн сонгох, эзэмшсэн мэргэжлээрээ ажиллах шинэлэг боломжуудын талаар лекц, мэдээллийг үдээс хойш 14:00 цагт зохион байгуулна.

Мэдээллийн төв