Гүйцэтгэх албан тушаалын сонгон шалгаруулалтын шалгалт явагдаж байна

Орхон аймгийн ЗДТГ-ын Архитектур төлөвлөлт, барилга, хот байгуулалт, хөрөнгө оруулалтын хэрэгжилт хариуцсан ахлах мэргэжилтэн, аймгийн Татварын  хэлтсийн Жижиг татвар төлөгчтэй харилцах тасгийн татварын улсын байцаагч зэрэг хоёр төрийн албан хаагчийн ажлын байрны сонгон шалгаруулалтын зарыг өнгөрсөн сарын 13-наас хэвлэл мэдээллийн хэрэгсэл болон холбогдох цахим хуудсаар олон нийтэд зарласан.    Өнөөдөр  аймгийн ЗДТГ-т дээрх ажлын байрны сонгон шалгаруулалтын шалгалтыг зохион байгуулж байна. Нийт 21 хүн материалаа бүрдүүлж өгснөөс материал дутуу бүрдүүлж өгсөн, мэргэжил таарахгүй зэрэг шалтгаанаар дөрвөн хүнийг шалгалтад оруулахгүй байхаар Төрийн албаны салбар зөвлөлийн шалгалт зохион байгуулах тусгай комиссийн шийдвэрлэж, 17 иргэн шалгалтад орж байна.  

Мөн үдээс хойш  Баян-Өндөр сумын ЗДТГ-т Малчин багийн нийгмийн ажилтан, Их залуу, Яргуйт багийн зохион байгуулагч, Бүрэнбүст,Цагаанчулуут, Дэнж багийн нийгмийн ажилтны албан тушаалын тусгай шалгалт болно. Дээрх ажлын байрны сонгон шалгаруулалтад 11 хүн бүртгүүлснээс 10 хүн зургаан ажлын байрны сонгон шалгаруулалтад шалгалт өгөх юм.